சீன தைபே ஓபன் பேட்மிண்டன்: சவுரப் வர்மா சாம்பியன்

தைபேயில் சீன தைபே ஓபன் பேட்மிண்டன் தொடர் நடைபெற்று வருகிறது. இன்று ஆண்களுக்கான ஒற்றையர் இறுதிப் போட்டி நடைபெற்றது. இதில் இந்தியாவின் சவுரப் வர்மா மலேசியாவின் டேரன் லீவ்-ஐ எதிர்கொண்டார்.

இதில் முதல் இரண்டு செட்டுகளையும் சவுரப் வர்மா 12-10, 12-10 எனக் கைப்பற்றி 2-0 என முன்னிலையில் இருந்தார். 3-வது செட்டில் இருவரும் தலா 3 புள்ளிகள் பெற்று 3-3 என சமநிலையில் இருந்தனர். அப்போது மலேசிய வீரர் காயம் காரணமாக ஆட்டத்தில் இருந்து விலகினார். இதனால் சவுரப் வர்மா வெற்றி பெற்று சாம்பியன் பட்டத்தை கைப்பற்றினார். கடந்த சில மாதங்களாக காயத்தால் அவதிப்பட்ட சவுரப் வர்மாவிற்கு இந்த வெற்றி ஊக்கத்தை அளித்துள்ளது.