அமெரிக்க ஓட்டப் பந்தய வீராங்கனை அல்லிசன் பெலிக்ஸ் 5 தங்கம் வென்று சாதனை

அமெரிக்காவின் முன்னணி ஓட்டப் பந்தய வீராங்கனை அல்லிசன் பெலிக்ஸ். இவர் 2012-ம் ஆண்டு லண்டனில் நடைபெற்ற ஒலிம்பிக்கில் 200 மீட்டர், 4X100 தொடர் ஓட்டம் மற்றும் 4X400 தொடர் ஓட்டம் ஆகியவற்றில் தங்க பதக்கம் வென்றிருந்தார். 2008-ம் ஆண்டு பீஜிங்கில் நடைபெற்ற 4X400 தொடர் ஒட்டத்தில் தங்க பதக்கம் வென்றிருந்தார்.

ரியோவில் ஒரு தங்கம் பதக்கம் வென்று தனது எண்ணிக்கையை ஐந்தாக உயர்த்த எண்ணிய பெலிக்ஸ், அதற்கேற்றவாறு 400 மீட்டர் ஓட்டத்தில் முதல் நபராக வந்து கொண்டிருந்தார். ஆனால் பஹாமாஸ் வீராங்கனை டைவ் அடித்து தங்கத்தை பறித்துச் சென்றார். பெலிக்ஸ் வெள்ளி பதக்கம் பெற்று ஏமாற்றம் அளித்தார்.

ஆனால். 4X100 மீ தொடர் ஓட்டத்தில் முதல் இடம்பிடித்து தங்க பதக்கம் வென்றார். இதன்மூலம் ஒலிம்பிக் ஓட்டப்பந்தயத்தில் 5 தங்க பதக்கம் வென்று சாதனைப் படைத்துள்ளார். நாளை 4X400 மீ தொடர் ஓட்டத்தில் பங்கேற்க இருக்கிறார். இதில் தங்கம் வென்றால் 6 பதக்கம் வென்று பெருமை சேர்ப்பார். இதுதவிர 3 வெள்ளி பதக்கமும் வென்றுள்ளார்.