ரியோ ஒலிம்பிக்கில் ஆண்கள் ஆக்கி போட்டியில் அர்ஜென்டினாவுக்கு தங்கம்

ரியோ டி ஜெனீரோ:

ரியோ ஒலிம்பிக்கில் ஆண்களுக்கான ஆக்கி இறுதி ஆட்டத்தில் அர்ஜென்டினாவும், பெல்ஜியமும் மோதின.

3-வது நிமிடத்திலேயே பெல்ஜியம் கோல் அடித்தது. சிறிது நேரத்தில் பதிலடி கொடுத்த அர்ஜென்டினா அடுத்தடுத்து மேலும் கோல்களை திணித்தது. முடிவில் அர்ஜென்டினா 4-2 என்ற கோல் கணக்கில் பெல்ஜியத்தை சாய்த்து தங்கப்பதக்கத்தை சுவைத்தது.

ஒலிம்பிக் ஆண்கள் ஆக்கியில் அர்ஜென்டினா மகுடம் சூடுவது இதுவே முதல் முறையாகும். முன்னதாக நடந்த 3-வது இடத்துக்கான ஆட்டத்தில் ஜெர்மனி அணி பெனால்டி ஷூட்-அவுட்டில் 4-3 என்ற கோல் கணக்கில் நெதர்லாந்தை வீழ்த்தி வெண்கலப்பதக்கத்தை வசப்படுத்தியது.