ஆண்கள் கால்பந்து: இறுதி ஆட்டத்தில் பிரேசில்-ஜெர்மனி

ரியோ டி ஜெனீரோ:

ரியோ ஒலிம்பிக்கில் ஆண்களுக்கான கால்பந்து அரைஇறுதியில் போட்டியை நடத்தும் பிரேசில் 6-0 என்ற கோல் கணக்கில் ஹோண்டுராசை துவம்சம் செய்தது. பிரேசில் கேப்டன் நெய்மார் 2 கோல்கள் அடித்தார். இதில் ஆட்டம் தொடங்கிய 15-வது வினாடியிலேயே அடித்த அதிவேக ஒலிம்பிக் கோலும் அடங்கும்.

மற்றொரு அரைஇறுதியில் ஜெர்மனி 2-0 என்ற கோல் கணக்கில் நைஜீரியாவை வீழ்த்தியது. முதல் முறையாக ஒலிம்பிக்கில் பட்டம் வெல்லும் முனைப்பில் உள்ள 5 முறை உலக சாம்பியனான பிரேசில் அணி இறுதி ஆட்டத்தில் ஜெர்மனியுடன் நாளை மோதுகிறது.