தமிழ்நாடு பிரிமீயர் லீக் கோப்பையை அறிமுகப்படுத்தினார் டோனி

தமிழ்நாடு பிரிமீயர் லீக் கோப்பைக்கான அறிமுக விழா சென்னையில் இன்று நடைபெற்றது. இதில் தமிழ்நாடு கிரிக்கெட் சங்கத் தலைவர் சீனிவாசன் மற்றும் இந்திய ஒருநாள் அணியின் கேப்டன் மகேந்திர சிங் டோனி மற்றும் 8 அணிகளின் உரிமையாளர்கள், பிரதிநிதிகள் பங்கேற்றனர்.

விழா தொடங்கியதும் ஒவ்வொரு அணியின் லோகோவும் மேடையில் அறிமுகப்படுத்தப்பட்டது. அதன்பின் தமிழ்நாடு கிரிக்கெட் சங்கத்தின் தலைவர் சீனிவாசன் பேசினார். பின்னர் கோப்பையை டோனி அறிமுகம் செய்து பேசினார்.

இந்த தொடர் வரும் 24-ந்தேதி தொடங்கி அடுத்த மாதம் 18-ந்தேதி வரை நடக்க இருக்கிறது. சென்னை, திண்டுக்கல் மற்றும் நெல்லை ஆகிய இடங்களில் போட்டி நடைபெறுகிறது.