அமெரிக்க நீச்சல் வீரர் பெல்ப்சுக்கு 19-வது தங்கம்

ரியோ டி ஜெனிரோ:

ஒலிம்பிக்கில் தங்க வேட்டை நாயகன் என்று அழைக்கப்படுபவர் மைக்கேல் பெல்ப்ஸ். அமெரிக்க நீச்சல் வீரரான அவர் ஒலிம்பிக்கில் அதிக தங்கம் (18), அதிக பதக்கம் (22) வென்று சாதனை வீரராக இருக்கிறார்.

இந்த நிலையில் மைக்கேல் பெல்ப்ஸ் இன்று 19-வது தங்கத்தை வென்றார். 4*100 மீட்டர் தொடர் நீச்சல் பந்தயத்தில் அமெரிக்க அணி தங்கம் வென்றது. 4 பேர் கொண்ட அந்த அணியில் பெல்ப்சும் இடம் பெற்று இருந்தார். அமெரிக்க அணி பந்தய தூரத்தை 30 நிமிடம் 09.02 வினாடியில் கடந்தது.

31 வயதான பெல்ப்ஸ் ஒலிம்பிக் போட்டியில் மொத்தம் 23 பதக்கம் பெற்றுள்ளார். 19 தங்கம், 2 வெள்ளி, 2 வெண்கலம் வென்று முத்திரை பதித்து இருக்கிறார்.

பெல்ப்சை யாரும் நெருங்க முடியாத அளவுக்கு இருக்கிறார். சோவியத் யூனியை சேர்ந்த லாரிசியா 9 தங்கம் வென்று 2-வது இடத்தில் உள்ளார். பெல்ப்ஸ் 2004-ம் ஆண்டு ஏதென்ஸ் ஒலிம்பிக்கில் 6 தங்கமும், பெய்ஜிங் ஒலிம்பிக்கில் 8 தங்கமும், லண்டன் ஒலிம்பிக்கில் 4 தங்கமும், தற்போது ரியோ ஒலிம்பிக்கில் 1 தங்கமும் ஆக மொத்தம் 19 தங்கம் கைப்பற்றியுள்ளார்.

பெல்ப்சுக்கு ரியோ ஒலிம்பிக்கில் இன்னும் சில போட்டிகள் இருக்கிறது. இதிலும் அவர் தங்க பதக்கத்தை கைப்பற்றினால் அவரது பதக்க எண்ணிக்கை மேலும் அதிகரிக்கும். அவரது சாதனையை யாராலும் முறியடிக்க முடியாத நிலை இருக்கிறது.