வில்வித்தை: இந்திய பெண்கள் அணி காலிறுதிக்கு தகுதி - ரஷியாவுடன் பலப்பரீட்சை

அணிக்கான வில்வித்தை போட்டியில் இந்திய அணி கொலம்பியாவை சந்தித்தது. இந்திய அணியில் லட்சுமிராணி மஹி, பம்பைலா தேவி, தீபிகா குமாரி ஆகியோர் இடம் பிடித்திருந்தனர்.

முதல் செட்டில் இந்தியா 52-51 என முன்னிலை பெற்றது. இதனால் இந்திய அணிக்கு 2 புள்ளிகள் கிடைத்தது. 2-வது செட்டில் இந்தியா 49-50 என தோல்வி அடைந்தது. இதனால் கொலம்பியா அணிக்கு 2 புள்ளிகள் கிடைத்தது. 3-வது செடடில் இந்தியா- கொலம்பியா 2-2 என சமநிலை புள்ளிகள் பெற்றது. இதனால் தலா ஒரு புள்ளிகள் கொடுக்கப்பட்டது.

மூன்று சுற்றுகள் முடிவில் இந்தியா- கொலம்பியா 3-3 என்ற கணக்கில் சமநிலையில் இருந்தது. 4-வது சுற்றில் இந்தியா 52 புள்ளிகளும், கொலம்பியா 44 புள்ளிகளும் பெற்றதால் இந்தியா 5-3 என வெற்றி பெற்று காலிறுதிக்கு முன்னேறியது.

காலிறுதியில் வலிமையான ரஷிய அணியை எதிர்கொள்கிறது.