விரைவில் வெளியாகும் மோட்டோ Z2 பிளே: இணையத்தில் கசிந்த புதிய தகவல்கள்

புதுடெல்லி:

மோட்டோரோலா கடந்த ஆண்டு வெளியிட்ட மோட்டோ Z பிளே ஸ்மார்ட்போனின் அப்டேட் செய்யப்பட்ட மாடல் விரைவில் வெளியாகும் என ஏற்கனவே வெளியான தகவல்களில் கூறப்பட்டிருந்தது. இந்நிலையில், வெளியான தகவல்களை கிட்டத்தட்ட உறுதி செய்யும் வகையில் புதிய ஸ்மார்ட்போனின் புதிய தகவல்கள் இணையத்தில் கசிந்துள்ளது. 

முந்தைய மோட்டோ Z பிளே போன்று காட்சியளிப்பதோடு மோட்டோ Z2 பிளே கேமரா மற்றும் செல்ஃபி பிளாஷ் அம்சங்கள் மாற்றப்படாமல் இருப்பது தெரியவந்துள்ளது. இத்துடன் லெனோவோ மோட்டோ மாட்ஸ் சாதனங்களை இணைக்கும் கனெக்டர் பின் உள்ளிட்டவையும் இடம்பெற்றுள்ளது.

வடிவமைப்பு அம்சங்களை பொருத்த வரை ஹோம் பட்டனில் சிறிய மாற்றம் மேற்கொள்ளப்பட்டுள்ளது. அதன்படி இம்முறை ஹோம் பட்டன் முந்தைய மாடல்களை விட அழகாக காட்சியளிக்கிறது. இத்துடன் சமீபத்தில் வெளியிடப்பட்ட மோட்டோ ஜி5 சீரிசில் வழங்கப்பட்ட ஜெஸ்ட்யூர் கண்ட்ரோல்களும் வழங்கப்படும் என கூறப்படுகிறது.  

இதுதவிர பேட்டரி பேக்கப், ஏற்கனவே வழங்கப்பட்டதை விட சிறப்பான டிஸ்ப்ளே மற்றும் கேமரா உள்ளிட்ட அம்சங்கள் வழங்கப்படும் என கூறப்படுகின்றது.