என் மலர்
செய்திகள்
சீனாவில் தாணியங்கி டிரக் சோதனை வெற்றி
சீன நிறுவனம் தயாரித்த தாணியங்கி டிரக் சோதனையில் வெற்றி பெற்றுள்ளதாக அந்நிறுவனத்தின் செய்தி குறிப்பில் தெரிவிக்கப்பட்டுள்ளது.
பீஜிங்:
சீனாவின் முன்னணி டிரக் தயாரிக்கும் நிறுவனமான FAW ஜைஃபாங் தாணியங்கி முறையில் இயங்கும் டிரக் ஒன்றை வெளியிட்டுள்ளது. இந்த டிரக்-இன் சோதனைகள் வெற்றி பெற்றிருப்பதாக தெரிவிக்கப்பட்டுள்ள நிலையில் அடுத்த ஆண்டின் துவக்கத்தில் இந்த டிரக் வணிக ரீதியிலான வியாபாரத்தற்கு வரும் என எதிர்பார்க்கப்படுகிறது.
சாலையில் செல்லும் போது இடர்பாடுகளை அறிந்து கொண்டு, இந்த டிரக் வேகத்தை தானாக குறைத்து, வேகத்தை கூட்டவும் செய்யும் என தெரிவிக்கப்பட்டுள்ளது. மேலும் இதன் அதிநவீன சென்சார்கள் போக்குவரத்து விளக்குகளை சரியாக அறிந்து, ரிமோட் கமாண்ட்களை வெற்றிகரமாக புரிந்து கொள்வதாக அந்நிறுவனத்தின் அறிக்கையில் குறிப்பிடப்பட்டுள்ளது.
தாணியங்கி டிரக்களை உருவாக்கி, விற்பனை செய்து அவற்றை சர்வீஸ் செய்ய பல்வேறு நிறுவனங்களுடன் ஒப்பந்தம் போடப்பட்டுள்ளது. இதே போல் பல்வேறு நிறுவனங்கள் ஒன்றிணைந்தால் கனரக வாகனங்களில் தொழில்நுட்பத்தை புகுத்துவது மேலும் எளிமையாகி விடும் என FAW ஜைஃபாங் நிறுவனத்தின் பொது மேளாலர் ஹூ ஹன்ஜி தெரிவித்தார்.
சீனாவில் FAW ஜைஃபாங் நிறுவனம் மட்டுமில்லாமல் பைடூ மற்றும் டென்செண்ட் போன்ற சீன நிறுவனங்களும் தாணியங்கி வாகனங்களை உருவாக்கும் முயற்சிகளில் ஈடுபட்டு வருகின்றன. பைடூ நிறுவனம் ஏற்கனவே தாணியங்கி கார்களை சோதணை செய்துள்ளது குறிப்பிடத்தக்கது.
Next Story
×