என் மலர்
செய்திகள்
விரைவில் வெளியாக இருக்கும் ஆப்பிள் சாதனங்கள்: புதிய தகவல்கள்
ஆப்பிள் நிறுவனத்தின் புதிய சாதனங்கள் ஒரே மேடையில் விரைவில் அறிமுகம் செய்யப்பட இருப்பதாகவும், இதற்கான விழா ஏப்ரல் மாதம் நடைபெறலாம் என்றும் தகவல்கள் வெளியாகியுள்ளது.
சான்பிரான்சிஸ்கோ:
புதிய வகை வன்பொருள்களை அறிமுகம் செய்யும் நோக்கில் ஆப்பிள் நிறுவனம் விழா ஒன்றிற்கு ஏற்பாடுகளை செய்து வருவதாக தகவல்கள் வெளியாகியுள்ளது. வழக்கமாக ஆப்பிள் நிகழ்வுகளுக்கு 10 முதல் 12 நாட்களுக்கு முன் விழாவிற்கான அழைப்பிதழ்கள் அனுப்பப்படும். இதுவரை ஆப்பிள் சார்பில் எவ்வித அறிவிப்பும் வெளியாகததால் ஏப்ரல் மாதத்தில் ஆப்பிள் விழா நடைபெறலாம் என கூறப்படுகிறது.
புதிய ஆப்பிள் வளாகத்தின் ஸ்டீவ் ஜாப்ஸ் தியேட்டரில் ஏப்ரல் மாதம் ஆப்பிள் விழா நடைபெறும் என்றும் இவ்விழாவில் ஆப்பிள் சாதனங்கள் மற்றும் மென்பொருள் உள்ளிட்டவை அறிமுகம் செய்யப்படும் என்றும் கூறப்படுகிறது. அவ்வாறு ஆப்பிள் வெளியிடலாம் என அதிகம் எதிர்பார்க்கப்படும் சாதனங்கள் எவை என்பதை தொடர்ந்து பார்ப்போம்.
10.5 இன்ச் ஐபேட் ப்ரோ:
புதிய வடிவமைப்பு கொண்ட ஐபேட் ப்ரோ தற்சமயம் பயன்பாட்டில் இருக்கும் 9.7 இன்ச், 12.9 இன்ச் திரை கொண்ட ஐபேட் ப்ரோ மாடல்களுக்கு மாற்றாக வெளியிடப்படும் என கூறப்படுகிறது. புதிய ஐபேட் மாடலில் எட்ஜ்-டூ-எட்ஜ் டிஸ்ப்ளே வழங்கப்படும் என்றும் எதிர்பார்க்கப்படுகிறது.
மேம்படுத்தப்பட்ட 9.7 இன்ச் ஐபேட்:
தற்போது இருக்கும் 9.7 இன்ச் ஐபேட் சாதனமானது அதிவேக பிராசஸர், மேம்படுத்தப்பட்ட புதிய ஏ10 பிராசஸர் கொண்ட ஐபேட் சாதனம் வெளியாகலாம் என கூறப்படுகின்றது.
ஐஓஎஸ் 10.3:
கடந்த சில வாரங்களாக ஐஓஎஸ் பீட்டா பயனாளர்களுக்கு வழங்கப்பட்டு வரும் ஐஓஎஸ் 10.3 பதிப்பு விரைவில் அறிமுகம் செய்யப்படும் என எதிர்பார்க்கப்படுகின்றது. பல்வேறு புதிய வசதிகளும், ஆப் ஸ்டோரில் சில மாற்றங்களும் மேற்கொள்ளப்படலாம் என கூறப்படுகின்றது.
சிவப்பு நிற ஐபோன் 7:
ஆப்பிள் ஐபோன் 7 மற்றும் ஐபோன் 7 பிளஸ் ஸ்மார்ட்போன்களில் புதிய நிறம் கொண்ட சாதனம் வெளியாகலாம் என முன்னதாக வெளியான தகவல்களில் தெரிவிக்கப்பட்டிருந்தது. இந்நிலையில் இந்த சாதனமும் ஆப்பிள் விழாவில் அறிமுகம் செய்யப்படலாம் என எதிர்பார்க்கப்படுகின்றது.
128 ஜிபி ஐபோன் SE:
மார்ச் 2016-இல் வெளியிடப்பட்ட ஐபோன் SE 16 ஜிபி மற்றும் 64 ஜிபி மெமரி மட்டுமே வழங்கப்பட்டிருந்தது. இந்நிலையில் 128 ஜிபி மெமரி கொண்ட ஐபோன் SE இந்த ஆண்டு வெளியிடப்படலாம் என கூறப்படுகின்றது. 4.0 இன்ச் டிஸ்ப்ளே கொண்ட ஐபோன் SE ஆப்பிளின் A9 பிராசஸர் கொண்டு இயங்குகின்றது.
4K ஆப்பிள் டிவி:
4K தரவுகளை சப்போர்ட் செய்யும் டிவியினை ஆப்பிள் வெளியிடும் என்றும் இந்த டிவிக்கான சோதனைகள் நடைபெற்று வருவதாக தகவல்கள் வெளியான நிலையில் ஆப்பிள் 4K டிவிக்கள் விரைவில் வெளியாகலாம் என கூறப்படுகின்றது.
Next Story
×