ஏசி பெட்டியா... அருவியா... வீடியோ வெளியிட்டு காங்கிரஸ் கிண்டல்

சமீப காலமாக விமானத்தில் தண்ணீர் சொட்டுவது, ஏ.சி. இல்லாமல் பயணிகள் பயணிப்பது போன்ற சம்பவங்கள் தொடர்பான வீடியோக்கள் சமூக வலைத்தளங்களில் வைரலாகி பேச்சு பொருளாக இருந்தது.

இந்த நிலையில், ரெயிலின் ஏ.சி. பெட்டியின் மேற்கூரையில் இருந்து நீர் அருவிப் போல் கொட்டுவது தொடர்பான வீடியோவை காங்கிரஸ் பகிர்ந்துள்ளது.

இதுதொடர்பான வீடியோ எக்ஸ் தள பக்கத்தில் பகிர்ந்து பதிவிட்டுள்ள பதிவில்,

"ரெயில்வே அமைச்சரே, என்ன நடக்கிறது... ரெயிலுக்குள் பயணிகளுக்கு அருவி வசதியை ஏற்படுத்தித் தந்திருக்கிறீர்கள்.. மக்கள் பயணித்து அருவியையும் ரசிப்பார்கள்" என்று கூறப்பட்டுள்ளது.

இந்த வீடியோ ஜபல்பூர் நிஜாமுதீன் எக்ஸ்பிரஸ் ரெயிலில் இருந்து எடுக்கப்பட்டது.