செல்ல பூனைக்கு பிறந்தநாள் கொண்டாடிய இளம்பெண்கள்- கேக் வெட்டி, புகைப்படமும் எடுத்துக்கொண்டனர்

மும்பையில் திருமண நாளை மறந்து போன கணவரை சரமாரியாக அடித்து உதைத்த மனைவி பற்றிய தகவல் சமூக ஊடகங்களில் பரவி வைரலாகி வரும் நிலையில், செல்ல பூனைக்கு பிறந்த நாள் கொண்டாடிய பெண்கள் பற்றிய தகவலும் இப்போது சமூக வலைதளங்களை கலக்கி வருகிறது.

பூனைக்கு பிறந்த நாள் கொண்டாட பெண்கள் வீட்டை அலங்கரித்து பலூன்கள் கட்டி, உறவினர்களை விருந்துக்கு அழைத்து உள்ளனர்.

அனைவரும் வந்ததும் பிறந்த நாள் கொண்டாடும் பூனை மேடைக்கு அழைத்து வரப்பட்டது. அங்கு வைக்கப்பட்டிருந்த கேக் வெட்டி பூனைக்கு பிறந்த நாள் வாழ்த்து தெரிவிக்கப்படுகிறது.

அதன்பின்பு விருந்து நிகழ்ச்சி களைகட்டுகிறது. பூனைக்கு பிறந்த நாள் பரிசுகளை வழங்கும் விருந்தினர்கள் பூனையுடன் சேர்ந்து புகைப்படமும் எடுத்து கொண்டனர். இவை அனைத்தையும் பெண்கள் குழுவினர் வீடியோ எடுத்து அதனை சமூக வலைதளத்தில் பதிவிட்டு உள்ளனர். இப்போது இந்த வீடியோதான் வைரலாகி வருகிறது.