தேர்தல் முடிவுகள்... குஜராத் முதல்வராக பூபேந்திர படேல் 12ம் தேதி பதவியேற்கிறார்

குஜராத் மாநிலத்தில் வாக்கு எண்ணிக்கை நிறைவடைந்துள்ளது. பாஜக அமோக வெற்றி பெற்று 7வது முறையாக ஆட்சியை கைப்பற்றி உள்ளது.

மொத்த தொகுதிகள்- 182

பாஜக- 156

காங்கிரஸ்- 17

ஆம் ஆத்மி கட்சி - 5

சுயேட்சைகள் - 3

மற்றவை - 1

குஜராத் மக்களின் ஆணையை நாங்கள் பணிவுடன் ஏற்றுக்கொள்கிறோம். நாட்டின் லட்சியங்களுக்காகவும், மாநில மக்களின் உரிமைகளுக்காகவும் நாங்கள் தொடர்ந்து போராடுவோம் -ராகுல் காந்தி ட்வீட் 

குஜராத் தேர்தல் நிலவரம்:

மொத்த தொகுதிகள் -182

முடிவுகள் அறிவிக்கப்பட்டவை -180

பாஜக- 154

காங்கிரஸ் -17

ஆம் ஆத்மி கட்சி- 5

சுயேட்சைகள்- 3

மற்றவை -1

பாஜக 2 தொகுதிகளில் முன்னிலை

இமாச்சல பிரதேசத்தில் காங்கிரஸ் கட்சி பெரும்பான்மை பெற்று ஆட்சியமைக்க உள்ளது. ஆட்சியமைக்க 35 இடங்கள் தேவை என்ற நிலையில், மாலை நிலவரப்படி, காங்கிரஸ் கட்சி 33 இடங்களில் வெற்றி பெற்றுள்ளது. 7 தொகுதிகளில் முன்னிலையில் உள்ளது. இதன்மூலம் காங்கிரஸ் ஆட்சியமைப்பது உறுதியாகி உள்ளது.

ஆளும் பாஜக தோல்வியை தழுவி உள்ளது. இதையடுத்து முதல்வர் ஜெய்ராம் தாக்கூர், ராஜினாமா செய்தார். ஆளுநரிடம் ராஜினாமா கடிதம் கொடுத்துள்ளார். 

இமாலச்சல பிரதேசத்தில் காங்கிரஸ் கட்சி 16 தொகுதிகளில் வெற்றி, 23 இடங்களில் முன்னிலையில் உள்ளது

பாஜக 13 தொகுதிகளில் வெற்றியை உறுதி செய்துள்ளது. 13 தொகுதிகளில் முன்னிலையில் உள்ளது

இமாச்சல பிரதேசத்தில் போட்டி வேட்பாளர்களால் பாஜக வெற்றியை இழந்துள்ளது. கின்னவுர், நலகர், குலு, பஞ்சார், தர்மசாலா, டெஹ்ரா ஆகிய 6 தொகுதிகளில் பாஜக தோல்வி அடையும் நிலை உள்ளது.

குஜராத் சட்டப்பேரவைத் தேர்தல் முடிவுகள் எதிர்பார்த்ததுதான் என்றும், அது தேசத்தின் மனநிலையைப் பிரதிபலிக்கவில்லை என்றும் தேசியவாத காங்கிரஸ் கட்சி தலைவர் சரத் பவார் கூறினார்.

ஒட்டுமொத்த அரசு இயந்திரமும் ஒரு குறிப்பிட்ட மாநிலத்தின் நலனுக்காக பயன்படுத்தப்பட்டு, திட்டங்கள் அங்கு கொண்டு செல்லப்பட்டதால் தேர்தல் முடிவு இவ்வாறு வந்திருப்பதாகவும் அவர் கூறினார். டெல்லி மாநகராட்சி தேர்தல் முடிவுகள் மற்றும் இமாச்சல பிரதேச தேர்தல் முடிவுகள் தனது கருத்தை நிரூபித்திருப்பதாகவும் அவர் குறிப்பிட்டார்.