ஆன்லைன் சூதாட்டங்கள் குறித்த விளம்பரங்களை பிரபலப்படுத்தக் கூடாது - மத்திய அரசு அறிவுறுத்தல்

புதுடெல்லி:

அனைத்து அச்சு மற்றும் மின்னணு ஊடகங்களுக்கு மத்திய தகவல் மற்றும் ஒலிபரப்புத்துறை அமைச்சகம் சார்பில் வெளியிடப்பட்ட அறிக்கையில் கூறியதாவது:

ஆன்லைன் சூதாட்டங்கள் குறித்த விளம்பரங்களை பிரபலப்படுத்தக் கூடாது.

பந்தயம் மற்றும் சூதாட்டம் சட்டவிரோதமானது.

இளைஞர்கள், குழந்தைகள் மத்தியில் ஆன்லைன் சூதாட்டம் எதிர்மறைத் தாக்கத்தை ஏற்படுத்துகிறது.

ஆன்லைன் சூதாட்டம் சமூகத்தில் தாக்கத்தை ஏற்படுத்துவதுடன் நிதிச்சிக்கல்களையும் உருவாக்குகிறது.

ஆன்லைன் சூதாட்டம் தொடர்பான விளம்பரங்களை ஒளிபரப்பவோ, பிரசுரம் செய்யவோ கூடாது.

வலைதளங்கள், இணைய ஊடகங்கள் ஆன்லைன் சூதாட்ட விளம்பரங்களை வெளியிடக் கூடாது என அறிவுறுத்தி உள்ளது.