ஜோலார்பேட்டை:
நாட்டறம்பள்ளி அடுத்த புதுப்பேட்டை சந்தை மேட்டில் வசித்து வருபவர் அருண். இவரது மகன் பார்த்திபன் (வயது 12). இவர் தனது வீட்டு அருகே உள்ள அரசு பள்ளியில் 7-ம் வகுப்பு படித்து வந்தார்.
நேற்று புனித வெள்ளி என்பதால் பள்ளி விடுமுறை விடப்பட்டது. இதனால் பார்த்தீபன் தனது நண்பர்களுடன் அதே பகுதியில் உள்ள குட்டையில் மீன் பிடிக்கச் சென்றார். அப்போது கால் தவறி சேற்றில் மாட்டிக் கொண்டார்.
இதனால் குட்டையில் மூழ்கி இதனால் சக நண்பர்கள் கூச்சல் போடவே அங்கிருந்தவர்கள் பள்ளி மாணவனை மீட்டு அருகில் உள்ள புதுப்பேட்டை மருத்துவமனையில் சேர்க்கப்பட்டார்.
மேல்சிகிச்சைக்காக திருப்பத்தூர் அரசு மருத்துவமனைக்கு அனுப்பி வைத்தனர்.
அங்கு சிகிச்சை பெற்று வந்த பள்ளி மாணவன் சிறுது நேரத்தில் சிகிச்சை பலனின்றி பரிதாபமாக உயிரிழந்தார்.
இது குறித்து தந்தை அருண் நாட்டறம்பள்ளி போலீஸ் நிலையத்தில் புகார் கொடுத்தார்.
புகாரின்பேரில் நாட்டறம்பள்ளி போலீஸ் சப்-இன்ஸ்பெக்டர் சுபாஷினி மற்றும் போலீசார் சம்பவ இடத்திற்கு விரைந்து சென்று பார்த்திபன் உடலை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர்.
மேலும் இது குறித்து போலீசார் வழக்கு பதிவு செய்து விசாரணை நடந்தி வருகின்றனர்.
