பூந்தமல்லி அருகே தொழிற்சாலையில் ரூ.6 லட்சம் மதிப்புள்ள டயர்கள் திருட்டு

பூந்தமல்லி அருகே உள்ள சொக்கநல்லூர் பகுதியில் தனியார் தொழிற்சாலை உள்ளது. இங்கு 2 லாரிகளில் இருந்த ரூ.6 லட்சம் மதிப்பிலான 12 புதிய வாகன டயர்களை மர்மநபர்கள் திருடி சென்று விட்டனர்.

இது குறித்து தனியார் தொழிற்சாலையின் மேலாளர் முருகன் வெள்ளவேடு போலீசில் புகார் செய்தார். இன்ஸ்பெக்டர் இளையராஜா வழக்குப் பதிவு செய்து விசாரித்து வருகிறார்.