போரூர்:
அரும்பாக்கம் பிரகதீஸ்வரர் நகர் பகுதியை சேர்ந்தவர் சிவகுமார். மதுரவாயல் அடுத்த ஆலப்பாக்கத்தில் டீ கடை நடத்தி வருகிறார். இவரது மனைவி தனபிரியா
கணவன்-மனைவி இருவரும் நேற்று இரவு கடையை பூட்டிவிட்டு மோட்டார் சைக்கிளில் வீடு திரும்பிக் கொண்டிருந்தனர்.
விருகம்பாக்கம் ஆற்காடு சாலையில் வந்தபோது அவர்களை பின் தொடர்ந்து மற்றொரு மோட்டார் சைக்கிளில் வந்த 2 வாலிபர்கள் திடீரென தனபிரியா அணிந்திருந்த 6 பவுன் செயினை பறித்துக் கொண்டு மின்னல் வேகத்தில் தப்பி சென்று விட்டனர்.
இதுகுறித்து தனபிரியா புகாரின் பேரில் விருகம்பாக்கம் குற்றப்பிரிவு போலீசார் விசாரணை நடத்தி வருகின்றனர்.
