ஈரோடு

ஈரோடு:

ஈரோடு மாநகராட்சி 40-வது வார்டு உட்பட்ட பகுதியான சாஸ்திரி நகர் அம்பேத்கர் வீதி நடுவில் மின்கம்பம் உள்ளது. இந்த மின்கம்பத்தை அகற்ற வேண்டும் என நீண்ட நாட்களாக அப்பகுதி மக்கள் போராடி வருகிறார்கள்.

மேலும் அதே பகுதி சேர்ந்த சத்தியமூர்த்தி என்பவர் வீட்டின் அருகே அதாவது காம்பவுண்ட்சுவருக்குள் மின்கம்பம் உள்ளது. இரவு நேரங்களில் இந்த மின்கம்பத்தில் இருந்து நெருப்பி பொறி வருவதாகவும் குற்றம்சாட்டி இருந்தனர்.

இந்நிலையில் கடந்த சனிக்கிழமை அன்று இரவு அந்த மின்கம்பம் இடிந்து சத்தியமூர்த்தி கம்பவுண்ட் சுவர் மீது விழுந்தது. அதிர்ஷ்டவசமாக இதில் யாருக்கும் காயம் ஏற்படவில்லை. அதே மின்கம்பம் வீட்டின் மேல் விழுந்திருந்தால் பெரிய விபரீதம் ஏற்பட்டு இருக்கும். எனவே இதை கண்டித்து அப்பகுதி மக்கள் இன்று போராட்டத்தில் ஈடுபட்டனர்.

இது குறித்து அப்பகுதியை சேர்ந்த சுப்பிரமணி கூறியதாவது:–

இப்பகுதியில் சுமார் 200 குடும்பங்களுக்கு மேல் வாழ்ந்து வருகிறோம். இப்பகுதியில் மத்தியில் மின்கம்பம் நீண்ட நாட்களாக உள்ளது. இதனால் இரவு நேரங்களில் இருசக்கர வாகனத்தில் வருபவர்கள் மிகுந்த சிரமத்துள்ளாகின்றனர். மின்கம்பத்தில் அடிகடி நெருப்பு பொறி ஏற்படுகிறது. இதனால் வெளியே வர அச்சப்படுகிறார்கள்.

இது குறித்து பலமுறை புகார் அளித்தும் நடவடிக்கை இல்லை. எனவே உடனடியாக இது குறித்து நடவடிக்கை எடுக்க வேண்டும்.

இவ்வாறு அவர் கூறினார்.

ஈரோடு:

ஈரோடு,ஆர்.என்.புதூர் பெருமாள் மலை, மாரியம்மன்கோவில் வீதியை சேர்ந்தவர் இளங்கோவன்(வயது34). இவர் சம்பவத்தன்று பெருமாள் மலை பஸ் நிறுத்தம் அருகே உள்ள பெருமாள் மலை கோவில் ரோட்டில் நடந்து சென்று கொண்டிருந்தார்.

அப்போது எதிர்திசையில் இருந்து வந்த கார் இளங்கோவன் மீதும் அதே ரோட்டில் நடந்து சென்ற பெருமாள் மலை பகுதியை சேர்ந்த சாந்தி மற்றும் பவானி, காவேரி வீதியை சேர்ந்த செல்வம் ஆகியோர் மீதும் மோதியது.

இதில் 3 பேரும் பலத்த காயம் அடைந்தனர். அவர்கள் ஈரோடு அரசு ஆஸ்பத்திரிக்கு சிகிச்சைக்காக அனுப்பி வைக்கப்பட்டனர்.

பின்னர் மேல் சிகிச்சைக்காக தனியார் ஆஸ்பத்திரிக்கு அனுப்பி வைக்கபட்டனர். அங்கு அவர்களுக்கு தொடர்ந்து சிகிச்சை அளிக்கப்பட்டு வருகிறது.

இது குறித்து சித்தோடு போலீசார் வழக்குப்பதிவு செய்து விசாரணை நடத்தி வருகிறார்கள்.

ஈரோடு:

ஈரோடு, கருங்கல்பாளையம், பச்சையப்பா சந்தை சேர்ந்தவர் மோகன். (வயது 49). இவர் சம்பவதன்று வேலைக்கு செல்வதாக கூறிவிட்டு சென்றவர் திடீரென மாயமானார்.

மோகன் குடும்பத்தினர் பல்வேறு இடங்களில் அவரை தேடியும் மோகன் குறித்து எந்த தகவலும் கிடைக்கவில்லை. அவர் எங்கு சென்றார்? என்ற விவரமும் தெரியவில்லை. காணமல் போன அன்று மோகன் புளு கலர் பேன்ட். வெள்ளை கலர் சட்டை அணிந்திருந்தார்.

இது குறித்து கருங்கல் பாளையம் போலீசார் வழக்கு பதிவு செய்து மாயமான மோகனை தேடி வருகிறார்கள்