தியாகதுருகத்தில் ஆபத்தான நிலையில் மின் கம்பம்

கள்ளக்குறிச்சி:

தியாகதுருகம் சந்தைமேடு பகுதியில் சுமார் 150க்கும் மேற்பட்ட குடும்பங்கள் வசித்து வருகின்றனர். இங்கு விநாயகர் கோவில் தெரு குடியிருப்பு பகுதியில் சாலையோரம் மின் கம்பம் உள்ளது.

இந்த மின் கம்பத்தின் அடிப்பகுதியில் கடந்த 2 ஆண்டுகளாக சிமெண்ட் காரைகள் மிகவும் சேதமடைந்து மின்கம்பம் எப்போது வேண்டுமானாலும் விழலாம் என்ற நிலையில் உள்ளது.

இதுகுறித்து சம்பத்தப்பட்ட அதிகாரிகளிடம் பல முறை தகவல் தெரிவித்தும் இதுவரை எந்தவித நடவடிக்கை எடுக்கவில்லை. குடியிருப்பு பகுதிக்கு மத்தியில் அமைந்துள்ள மின்கம்பம் எப்போது வேண்டுமானாலும் உடைந்து விழும் என்ற அச்சத்துடன் அப்பகுதி பொதுமக்கள் வசித்து வருகின்றனர்.

எனவே சம்மந்தப்பட்ட மின்சார வாரிய அலுவலர்கள் நேரில் சென்று ஆய்வு செய்து அசம்பாவித சம்பவம் ஏற்படுவதற்கு முன்பு புதிய மின்கம்பம் அமைக்க நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.