முருங்கப்பாக்கம் முருகன் கோவிலில் பங்குனி உத்திர காவடி விழா

புதுச்சேரி:

புதுவை முருங்கப்பாக்கம் வள்ளி தெய்வானை சமேத முத்துக்குமார சுவாமி கோவிலில் பங்குனி உத்திர காவடி அபிஷேக தீபாராதனை விழா நடந்து வருகிறது. இன்று காலை 7 மணிக்கு வள்ளி, தெய்வானை சமேத முத்துக்குமார சுவாமிக்கு அபிஷேக ஆராதனை செய்யப்பட்டது. பின்னர் மலர்களால்  அலங்கரித்த காவடி வீதியுலா, சுவாமி வீதியுலா நடந்தது. காலை 6 மணிக்கு மிளகாய் பொடி அபிஷேகம், அலகுபோடும் நிகழ்ச்சி நடந்தது. இதில் ஏராளமான பக்தர்கள் பங்கேற்றனர். 

நாளை இரவு 7 மணிக்கு 108 சங்காபிஷேகம் நடக்கிறது. நாளை மறுநாள் 

(ஞாயிற்றுக்கிழமை) சுவாமிக்கு சந்தன காப்பும், இடும்பனுக்கு பள்ளையமும் நடக்கிறது. 25-ந்தேதி அபிஷேக ஆராதனையுடன் சாந்தி பூஜை நடக்கிறது.  விழாவுக்கான ஏற்பாடுகளை திரவுபதியம்மன் தேவஸ்தான அறங்காவலர் குழு தலைவர் கணபதி, துணைத்தலைவர் காந்தி, செயலாளர் ஜெயராமன், பொருளாளர் பாலசுந்தரம், உறுப்பினர் நீலன், நிர்வாக அதிகாரி ஆனந்து மற்றும் ஊர் பொதுமக்கள் செய்திருந்தனர்.