எம்.ஐ.டி. கல்லூரியில் வேலை வாய்ப்பு முகாம்

புதுச்சேரி:

புதுவை கலிதீர்த்தாள் குப்பத்தில் உள்ள மணக்குள விநாயகர் இன்ஸ்டிடியூட் ஆப் டெக்னாலஜி, சென்னை சாந்தவேல் டெக்னாலஜி நிறுவனம் இணைந்து பொது வளாக வேலை வாய்ப்பு முகாம் நடத்தியது.

சாந்தவேல் டெக்னாலஜி மனிதவளத் துறை மேலாளர் நெப்போலியன் அந் நிறுவனத்தின் பணி சூழல், எதிர்கால குறிக்கோள் உள்ளிட்டவை குறித்து விளக்கினார். எழுத்து தேர்வு மூலம் வளாக வேலை வாய்ப்பு முகாம் நடந்தது.

மணக்குள விநாயகர் கல்வி குழும தலைவர் தனசேகரன், துணை தலைவர் சுகுமாறன், செயலாளர் நாராயணசாமி கேசவன் ஆகியோர் தலைமை தாங்கினார்கள்.

கல்லூரி முதல்வர் மலர்க்கண் முகாமை தொடங்கி வைத்தார். அனைத்து துறை வேலைவாய்ப்பு ஒருங்கிணைப்பாளர்கள் கலந்து கொண்டனர்.

முகாமில் மயிலம் எம்.ஐ.டி. மற்றும் கிருஷ்ணசாமி பொறியியல் கல்லூரி மாணவ மாணவிகள் பங்கேற்றனர். முகாம் ஏற்பாடுகளை கல்லூரி வேலை வாய்ப்பு துறை அதிகாரி ஜெயக்குமார் செய்திருந்தார்.