சங்கராபுரம் பேரூராட்சியை கைப்பற்ற தி.மு.க.- அ.தி.மு.க. கடும் போட்டி

சங்கராபுரம்:

சங்கராபுரம் பேரூராட்சியில் மொத்தம் 15 வார்டுகள் உள்ளன. ஆண் வாக்காளர்கள் 6974 பேர், பெண் வாக்காளர்கள் 7322, மூன்றாம் பாலினத்தவர்கள் இருவர் என 14,298 வாக்காளர்கள் உள்ளனர்.

பேரூராட்சி தலைவர் பதவிக்கு இதுவரை தி.மு.க., அ.தி.மு.க.வை சேர்ந்தவர்களே மாறி, மாறி வந்துள்ளனர். 1986 முதல் 1991 வரை தி.மு.க. ஆசிம், 1996 முதல் 2001 வரை தி.மு.க. பஷீர் அகமது, 2001 முதல் 2006 வரை அ.தி.மு.க., கிருஷ்ணமூர்த்தி, 2006 முதல் 2011 வரை தி.மு.க., முனுசாமி, 2011 முதல் 2016 வரை அ.தி.மு.க., கிருஷ்ணமூர்த்தி தலைவராக இருந்துள்ளனர்.

இந்த முறை தலைவர் பதவியைப் பிடிக்க தி.மு.க., அ.தி.மு.க., வினரிடையே கடும் போட்டி நிலவி வருகிறது. சங்கராபுரம் பேரூராட்சியில் 1, 3, 5, 9, 11, 13 வார்டுகள் பொது, 2, 4, 6, 8, 10, 12,15 வார்டுகள் பொது (பெண்கள்) 7வது வார்டு எஸ்.சி., பெண்கள், 14வது வார்டு எஸ்.சி., பொது பிரிவுகளுக்கு ஒதுக்கப்பட்டுள்ளது. பேரூராட்சியில் 15 வாக்குசாவடி மையங்கள் அமைக்கப்பட்டுள்ளது.

இதில், சங்கராபுரம் அரசு ஆண்கள் மேல்நிலை பள்ளியில் 5 ஓட்டுச்சாவடிகள், பெண்கள் மேல்நிலை பள்ளியில் 2, காட்டு வனஞ்சூர் நடு நிலைப் பள்ளியில் 3, சங்கராபுரம் இந்து தொடக்கப் பள்ளியில் 2, டி.எம். பள்ளியில் 3 என மொத்தம் 15 ஓட்டுச்சாவடி மையங்கள் அமைக்கப்பட்டுள்ளன.