இந்திய மருத்துவ முறை டாக்டர்களின் பணி வயது 65 ஆக உயர்வு

புதுச்சேரி:

புதுவை சுகாதாரத்துறை சார்பு செயலர் புனிதமேரி வெளியிட்டுள்ள செய்திக்குறிப்பில் கூறியிருப்பதாவது:-

மத்திய அரசின் வழிகாட்டுதலின்படி புதுவை கவர்னர் இந்திய மருத்துவமுறை, ஹோமியோபதியில் பணிபுரியும் டாக்டர்களின் பணிக்கால வயது வரம்பை 62-ல் இருந்து 65-ஆக உயர்த்தி உத்தரவிட்டுள்ளார்.

 

62 வயதை கடக்கும் டாக்டர்கள் தொடர்ந்து 65 வயது வரை பணியாற்றலாம்.இவர்கள் சீனியர் முதன்மை மருத்துவ அதிகாரியாக பணி அமர்த்தப்படுவர். கடந்த 6 மாதத்துக்குள் 62 வயதை கடந்த டாக்டர்கள் இந்த வயது உச்சவரம்பு தளர்வை பயன்படுத்தி கொண்டு பணியில் நீடிக்கலாம். 

இவ்வாறு அவர் தெரிவித்துள்ளார்.