புதுவையில் மாணவர்கள் மோதும் வீடியோ வைரலாக பரவுகிறது

புதுச்சேரி:

புதுவை முத்தியால்பேட்டையில் தனியார் பள்ளி உள்ளது. இந்த பள்ளி மாணவர்கள் 10-க்கும் மேற்பட்டோர் முத்தியால்பேட்டை ஏழை மாரியம்மன் கோவில் வீதியில் ஒருவருக்கு ஒருவரை தாக்கிக்கொள்ளும் வீடியோ அனைத்து சமூக வலைதளங்களில் பரவி வருகிறது. 

பள்ளி சீருடையுடன் மாணவர்கள், இரு மாணவரை மாறி, மாறி தாக்குவதும் அதனை அங்கிருந்தவர்கள்   ஏன் தாக்குகிறார்கள்? என்று கேள்வி   எழுப்புவதும் பதிவாகி உள்ளது. பள்ளி சீருடையுடன் சிறிது நேரம் ஒருவருக்கு ஒருவர் தாக்கிக் கொள்ளும் மாணவர்களை சமாதானப்படுத்தும் ஒரு மாணவன் அனைவரையும் கிளம்பும்படி  கூறுவதும், வீடியோ எடுத்தவரிடம் எதற்கு எடுக்கிறீர்கள்? என கேள்வி கேட்பதும் பதிவாகி உள்ளது. 

இந்த வீடியோ சமூக வலைதளங்களில் வைரலாக பரவி வருகிறது. புகார் வரவில்லை என்றாலும், இச்சம்பவம் குறித்து விசாரணை நடத்தி நடவடிக்கை எடுக்கப்படும் என முத்தியால்பேட்டை போலீசார் தெரிவித்துள்ளனர்.