என் மலர்

    உள்ளூர் செய்திகள்

    போலீஸ் பாதுகாப்புடன் மாறறு லாரியில் ஆசிட் ஏற்றப்பட்டது.
    X
    போலீஸ் பாதுகாப்புடன் மாறறு லாரியில் ஆசிட் ஏற்றப்பட்டது.

    கிழக்கு கடற்கரை சாலையில் டேங்கர் லாரியில் ஆசிட் கசிவு- வாகன ஓட்டிகள் அச்சம்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மாமல்லபுரம் அடுத்த கடம்பாடி கிழக்கு கடற்கரை சாலையில் டேங்கர் லாரியில் ஏற்பட்ட ஆசிட் கசிவால் அப்பகுதியில் சிறிது நேரம் பரபரப்பு ஏற்பட்டது.
    மாமல்லபுரம்:

    மாமல்லபுரம் அடுத்த கடம்பாடி கிழக்கு கடற்கரை சாலையில் இன்று அதிகாலை, 1 மணியளவில் பாண்டிச்சேரியில் இருந்து மணலியில் உள்ள தனியார் தொழிற்சாலைக்கு கெமிக்கல் ஏற்றிய டேங்கர் லாரி வந்து கொண்டு இருந்தது.

    அப்போது திடீரென லாரியில் இருந்து புகையுடன் ஆசிட் கசிவு ஏற்பட்டது. இதனை பாத்ததும் அதிர்ச்சி அடைந்த லாரி டிரைவரும், கிளீனரும் லாரியை நிறுத்தி விட்டு ஓடிவிட்டனர். இதனால் லாரியை பின் தொடர்ந்து வந்த வாகன ஓட்டிகள் அச்சம் அடைந்தனர்.

    அவர்கள் வாகனங்களை திருப்பி கல்பாக்கம் நோக்கி திரும்பி சென்றனர். தகவல் அறிந்ததும் மாமல்லபுரம் தீயணைப்பு படையினர் விரைந்து வந்து புகையுடன் கசிவான ஆசிட் லாரி மீது தண்ணீரை பீச்சியடித்து, புகையை கட்டுப்படுத்தினர். கல்பாக்கம் அணுமின் நிலையத்தின் அணுஉலை பாதுகாப்பு பகுதி அருகில் டேங்கர் லாரியில் கெமிக்கல் கசிவு ஏற்பட்டதால் அணு மின் நிலைய மத்திய தொழில் பாதுகாப்பு படையினரும் அங்கு வந்தனர்.

    டேங்கரில் திடீரென சிறு ஓட்டை விழுந்ததால் கசிவு ஏற்பட்டு இருப்பது தெரிந்தது. லாரி தீப்பிடித்து எரிந்திருந்தால் பெரும் விபத்து நடந்திருக்கும். அதிர்ஷ்டவசமாக பெரும் விபத்து ஏற்படவில்லை. பின்னர் மாற்று டேங்கர் லாரியில் போலீஸ் பாதுகாப்புடன் கெமிக்கல் ஏற்றி கொண்டு செல்லப்பட்டது.
    Next Story
    ×