புதுச்சேரி:
புதுவை அரசு பள்ளி கல்விதுறை இணை இயக்குனர் சிவகாமி பள்ளிகளுக்கு அனுப்பியுள்ள சுற்றறிக்கையில், நவம்பர் 2-ந் தேதி கல்லறை தினம் வருவதால் அன்றும், 3-ந் தேதி தீபாவளியை முன்னிட்டும் புதுவை, காரைக்கால், ஏனாம் பிராந்தியங்களில் விடுமுறை அறிவிக்கப்பட்டு உள்ளது என்று கூறியுள்ளார்.
ஏற்கனவே, 31-ந்தேதி ஞாயிற்றுக்கிழமை, மறுநாள் நவம்பர் 1-ந்தேதி (திங்கட்கிழமை) விடுதலை நாள், 4-ந் தேதி தீபாவளி விடுமுறையாகும்.
இந்த நிலையில் கனமழை காரணமாக புதுவை- காரைக்காலில் பள்ளி மற்றும் கல்லூரிகளுக்கு இன்று (சனிக்கிழமை) விடுமுறை அறிவிக்கப்பட்டு உள்ளது. இதனால் தீபாவளிக்கு 6 நாள் விடுமுறை அரசு பள்ளிகளுக்கு கிடைக்கிறது.
அதேநேரத்தில் பல தனியார் பள்ளிகள் தீபாவளியையொட்டி அடுத்த வாரம் முழுவதும் விடுமுறை என ஏற்கனவே அறிவித்துள்ளன.
வருகிற 8-ந் தேதி முதல் 1 முதல் 8-ம் வகுப்பு வரையிலும் பள்ளிகள் திறக்கப்பட உள்ளது. அன்று முதல் சுழற்சி அடிப்படையில் அரை நாள் பள்ளிகள் இயங்கும்.
