search icon
என் மலர்tooltip icon

    செய்திகள்

    சஸ்பெண்ட்
    X
    சஸ்பெண்ட்

    மது பாட்டிலை கூடுதல் விலைக்கு விற்ற 14 டாஸ்மாக் ஊழியர்கள் சஸ்பெண்ட்

    அரியலூர் மாவட்டத்தில் மது பாட்டிலை கூடுதல் விலைக்கு விற்ற 14 பேரை சஸ்பெண்ட் செய்யப்பட்டுள்ளனர்.

    அரியலூர்:

    அரியலூர் மாவட்டத்தில் டாஸ்மாக் கடைகளில் மது பாட்டில்களை கூடுதல் விலைக்கு விற்கப்படுவதாக தொடர்ந்து வந்த புகாரின் அடிப்படையில் டாஸ்மாக் அதிகாரிகள் அரியலூர் மாவட்டத்தில் இயங்கி வரும் டாஸ்மாக் கடையில் அதிரடி சோதனையில் ஈடுபட்டனர்.

    மது பாட்டில்கள் கூடுதல் விலைக்கு விற்பனை செய்தது, மொத்தமாக விற்பனை செய்தது போன்ற குற்றச் செயல்களில் ஈடுபட்ட வாரியங்காவல் டாஸ்மார்க் கடை மேற்பார்வையாளர் பாலமுருகன் விற்பனையாளர் சிவகுமார், வரதராஜன்பேட்டை டாஸ்மார்க் கடை மேற்பார்வையாளர் முருகன், விற்பனையாளர் செல்வகுமார், ரவீந்திரன், பழனிவேல், ஆகியோர் அனைவரும் மொத்த விற்பனை செய்ததற்காக சஸ்பெண்ட் செய்யப்பட்டுள்ளனர்.

    மேலும் ஆண்டிமடம் டாஸ்மார்க் கடை மேற்பார்வையாளர் பழனிவேல், மற்றும் விற்பனையாளர்கள் சண்முகவேல், பிறை செல்வன் ஆகியோர்ரொக்க பணம் கூடுதலாக இருந்ததாலும் அரியலூர் டாஸ்மாக் கடை மேற்பார்வையாளர்கள் ராஜகோபால் மற்றும் சாமிநாதன் விற்பனையாளர்கள் கருணாநிதி, அக்பர்கான், பாலசுப்பிரமணியன், ஆகியோர் தொகை குறைவுஇருந்தது போன்ற குற்றச்செயல்களுக்காக டாஸ்மாக் ஒழுங்குமுறை மோசடி நடவடிக்கைகள் தடுத்தல் மற்றும் கண்டுபிடித்ததற்காக விதிமுறைகளின்படி டாஸ்மாக் ஊழியர்கள் 14 பேரையும் சஸ்பெண்ட் செய்து டாஸ்மாக் மாவட்ட மேலாளர் செல்வராஜ் நடவடிக்கை எடுத்துள்ளார்.

    Next Story
    ×