வைத்தியம்பேட்டை சாலையில் உள்ள பள்ளம் சரிசெய்யப்படுமா?- பொதுமக்கள் எதிர்பார்ப்பு

மணல்மேடு:

மணல்மேடு அருகே வைத்தியம்பேட்டை மெயின்ரோட்டில் அபாய கரமான பெரிய பள்ளம் உள்ளது. இந்த பள்ளத்தின் கீழ் கொள்ளிடம் கூட்டு குடிநீர் குழாய் செல்கிறது. அந்த குழாயில் சில மாதங்களுக்கு முன்பு ஏற்பட்ட பழுதால் குடிநீர் கசிந்து வெளியேறியது. அதனை சரி செய்ய தோண்டிய பள்ளம் மீண்டும் மூடி தார்சாலை அமைக்கப்பட்டது. அப்படி இருந்தும் அந்த இடத்தில் சிறிய பள்ளம் ஏற்பட்டது. அதில் அடிக்கடி வாகனங்கள் சென்று வந்ததால், சிறிய பள்ளம் அபாயகரமான பள்ளமாக மாறிவிட்டது. இந்த பள்ளத்தை கடந்து தான் கும்பகோணம், தஞ்சாவூர், காட்டுமன்னார்குடி, கடலூர், மயிலாடுதுறை, சீர்காழி, சிதம்பரம், வைத்தீஸ்வரன்கோவில், சென்னை உள்ளிட்ட முக்கிய நகரங்களுக்கு வாகனங்கள் சென்று வருகின்றன. இந்த அபாயகரமான பள்ளம் சரிசெய்யப்படுமா? என்பது பொதுமக்களின் எதிர்பார்ப்பாக உள்ளது.