பிறந்து 4 நாட்களே ஆன ஆண் குழந்தை தீயிட்டு எரிப்பு

சங்கரன்கோவில்:

தமிழகத்தில் பல்வேறு காரணங்களால் பிறந்து சில நாட்களே ஆன குழந்தைகளை சாலையில் வீசி செல்லும் சம்பவங்களும் ஆங்காங்கே நடைபெறுகிறது. அவ்வாறு சாலையில் வீசிய குழந்தைகளை மீட்டு காப்பகங்களிலும் ஒப்படைக்கப்படுகின்றன.

இந்நிலையில் பிறந்து 4 நாட்களே ஆன ஆண் குழந்தை தீயிட்டு எரிக்கப்பட்ட சம்பவம் அதிர்ச்சியை ஏற்படுத்தியுள்ளது.

தென்காசி மாவட்டம் சங்கரன்கோவிலில் தனியாருக்கு சொந்தமான தியேட்டர் வளாகத்தில் பிறந்து 4 நாட்களே ஆன ஆண் குழந்தை தீயிட்டு எரிக்கப்பட்டுள்ளது. தீயில் எரிந்த குழந்தையின் உடலை கண்ட பொதுமக்கள் அதிர்ச்சிக்குள்ளாகியுள்ளனர்.

இச்சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர்.