ஆட்டோ இயக்க அனுமதி கேட்டு டிரைவர்கள் முற்றுகை- 20 பேர் கைது

வேலூர்:

வேலூர் மாவட்டத்தில் 13 ஆயிரம் ஆட்டோக்கள் ஓடுகின்றன. மாநகர பகுதியில் மட்டும் சுமார் 7 ஆயிரம் ஆட்டோக்கள் உள்ளது.

கடந்த 60 நாட்களாக ஆட்டோக்கள் ஓடாததால் ஆட்டோ டிரைவர்கள் கடுமையாக பாதிக்கப்பட்டுள்ளனர். இந்த நிலையில் வேலூர் மாவட்ட ஆட்டோ தொழிலாளர் சங்கத்தினர் 100க்கும் மேற்பட்டோர் இன்று காலை கலெக்டர் அலுவலகம் அருகே உள்ள ஆஞ்சநேயர் கோவில் முன்பு திரண்டனர். அங்கிருந்து கலெக்டர் அலுவலகத்தை முற்றுகையிட சென்றனர் .அவர்களை போலீசார் தடுத்து நிறுத்தினர்.