என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஜெயங்கொண்டம் அருகே அரசு போக்குவரத்துக்கழக ஊழியர் வீட்டில் கொள்ளை
Byமாலை மலர்24 Nov 2019 1:31 PM GMT (Updated: 24 Nov 2019 1:31 PM GMT)
ஜெயங்கொண்டம் அருகே நள்ளிரவில் அரசு போக்குவரத்துக்கழக ஊழியர் வீட்டில் பூட்டை உடைத்து நகை மற்றும் பணத்தை மர்ம நபர்கள் கொள்ளையடித்து சென்றனர்.
ஜெயங்கொண்டம்:
அரியலூர் மாவட்டம் ஜெயங்கொண்டம் அருகே உள்ள தண்டலை கிராமத் தைச்சேர்ந்தவர் ராமானுஜம் (வயது 48). இவர் ஜெயங்கொண்டத்தில் உள்ள அரசு போக்குவரத்துக்கழக பணி மனையில் மெக்கானிக்காக வேலை பார்த்து வருகிறார். இந்த நிலையில் நேற்று இரவு வீட்டை பூட்டிவிட்டு அவர் பணிக்கு சென்றார். அவரது மனைவி மற்றும் பிள்ளைகள் அருகில் உள்ள கூரை வீட்டில் தூங்க சென்றனர்.
இன்று காலை 6.30 மணியளவில் இரவு பணியை முடித்துவிட்டு வீட்டுக்கு ராமானுஜம் வந்தார். அப்போது பூட்டியிருந்த வீட்டின் கதவுகள் கடப்பாரையால் உடைக்கப்பட்ட நிலையில் திறந்து கிடந்ததை பார்த்து ராமானுஜம் அதிர்ச்சி அடைந்தார். வீட்டிற்குள் சென்று பார்த்தபோது, அங்குள்ள பீரோவும் உடைக்கப்பட்டு அதில் வைக்கப்பட்டிருந்த 7 பவுன் தங்க நகை, வெள்ளி கொலுசுகள் மற்றும் ரூ.20 ஆயிரம் பணம் கொள்ளை போயிருந்தது. நள்ளிரவில் அங்கு வந்த மர்ம நபர்கள் வீட்டில் ஆட்கள் இல்லாத ததை நோட்டமிட்டு கதவை உடைத்து உள்ளே புகுந்துள்ளனர்.
இதுகுறித்து ராமானுஜம் கொடுத்த புகாரின்பேரில் சம்பவம் நடந்த வீட்டிற்கு வந்த ஜெயங்கொண்டம் போலீசார் வழக்குப்பதிவு செய்து விசாரணை நடத்தி வருகிறார்கள். இந்த துணிகர கொள்ளை சம்பவம் அப்பகுதி மக்களிடையே பெரும் பீதியை ஏற்படுத்தி உள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X