மானியம் இல்லாத சமையல் கியாஸ் விலை ரூ.62.50 உயர்வு

சென்னை:

சமையல் கியாஸ் விலை மாதம் தோறும் மாற்றி அமைக்கப்பட்டு வருகிறது. இந்த நிலையில் வீடுகளுக்கு வினியோகிக்கப்படும் மானியம் இல்லாத சமையல் கியாஸ் சிலிண்டரின் விலை உயர்ந்துள்ளது.

மானியம் இல்லாத சமையல் கியாஸ் சிலிண்டரின் விலை ஏற்கனவே ரூ.896 ஆக இருந்தது. அதன் விலை இன்று முதல் ரூ.958.50 ஆக உயர்த்தப்பட்டுள்ளது. அதாவது சிலிண்டருக்கு ரூ.62.50 விலை உயர்த்தப்பட்டுள்ளது.

வீட்டு சமையல் கியாஸ் சிலிண்டருக்கு இன்று முதல் முன்பதிவு செய்வோர் ரூ.958.50 செலுத்தி சிலிண்டரை பெற வேண்டும். அவர்களின் வங்கி கணக்கில் ரூ.464.11 மானியம் தொகை செலுத்தப்படும். #GasCylinder