நாகப்பட்டினத்தில் பழுதடைந்த ரெயில்வே மேம்பாலத்தில் நெடுஞ்சாலைத்துறையினர் ஆய்வு

நாகப்பட்டினம்:

நெடுஞ்சாலைத்துறை கோட்டப் பொறியாளர் இளம்வழுதி கூறியதாவது;

இந்த ரெயில்வே மேம்பாலத்தில் இரு பாலத்திற்கிடையில் வரக்கூடிய எக்ஸ்பேன்சன் ஜாயிண்ட் 4 செ.மீ இடைவெளியில் இருக்க வேண்டும். தற்சமயம் சிறிதளவு இடைவெளி அதிகமாக உள்ளது. இதுகுறித்து நெடுஞ்சாலைத்துறை இயக்குநருக்கு அறிக்கை அனுப்பப்பட்டிருந்தது. அதன் அடிப்படையில் நெடுஞ்சாலைத்துறை துணை இயக்குநர் கார்த்திகேயன் பார்வையிட்டு ஆய்வு செய்து, இந்த விரிசல் ஏற்பட்டதற்கான காரணத்தையும், அதனை சரிசெய்வதற்கான தொழில்நுட்ப ஆலோசனைகளையும் வழங்கினார். மேலும், பாலத்தை சரிசெய்யும் பணிகள் ஒரு மாதத்திற்குள் முடிக்கப்பட்டு, மீண்டும் பயன்பாட்டுக்கு வரும்.

இவ்வாறு அவர் கூறினார்.

ஆய்வின் போது, தமிமுன் அன்சாரி எம்.எல்.ஏ, உதவிப் பொறியாளர் சாலைகுகன், கோட்டப் பொறியாளர்கள் ஆகியோர் உடனிருந்தனர்.