115 கிலோ மீட்டர் நீளமுள்ள மாநில நெடுஞ்சாலைகளும், 107 கிலோ மீட்டர் நீளமுள்ள மாவட்ட முக்கியச் சாலைகளும் 160 கோடி ரூபாய் செலவில், வரும் 2017-2018ஆம் ஆண்டில் அகலப்படுத்தப்படும்.
ஒருங்கிணைந்த சாலைக் கட்டமைப்பு மேம்பாட்டுத் திட்டத்தின் கீழ் 2017-2018ஆம் ஆண்டில் 1,000 கிலோ மீட்டர் நீளமுள்ள சாலைகளை அகலப்படுத்தும் பணிகளையும் 3,000 கிலோ மீட்டர் நீளமுள்ள சாலைகளை மேம்படுத்துவதற்கான பணிகளையும், 200 பாலங்கள், சிறு பாலங்கள் கட்டுவதற்கான பணிகளையும் அரசு மேற்கொள்ளும் இத்திட்டத்திற்காக 2017-2018ஆம் ஆண்டிற்கான வரவு-செலவுத் திட்ட மதிப்பீடுகளில் 3,100 கோடி ரூபாய் ஒதுக்கீடு செய்யப்பட்டுள்ளது.
செயல்பாடு அடிப்படையிலான பராமரிப்பு ஒப்பந்தம் அடிப்படையில், பொள்ளாச்சி, கிருஷ்ணகிரி, ராமநாதபுரம் மற்றும் திருவள்ளூர் கோட்டங்களில் உள்ள மாநில நெடுஞ்சாலைகள் மற்றும் மாவட்ட முக்கியச் சாலைகளை மேம்படுத்தி பராமரிக்கும் பணிகள் 1,774.31 கோடி ரூபாய் திட்ட மதிப்பீட்டில் மேற்கொள்ளப்பட்டு வருகின்றன.
2017-2018ஆம் ஆண்டில் செயல்பாடு அடிப்படையிலான பராமரிப்பு ஒப்பந்த முறை விருதுநகர் கோட்டத்திற்குள் விரிவுப்படுத்தப்படும்.
