என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
ஏற்காட்டில் லேசான சாரல் மழை
சேலம்:
சேலம் மாவட்டத்தில் பருவ மழை போதிய அளவு கை கொடுக்காததால் கடும் வறட்சி நிலவுகிறது. இதனால் விவசாயிகள் வேதனையில் தவித்து வருகிறார்கள். இதற்கிடையே கடந்த சில நாட்களாக வெயில் வாட்டி வதைத்தது.
இந்த நிலையில் நேற்று சீதோஷ்ண நிலையில் திடீரென மாற்றம் ஏற்பட்டு வானில் கருமேகங்கள் திரண்டன. இதையடுத்து மாவட்டத்தின் பல பகுதிகளில் லேசான மழை பெய்துள்ளது.
சேலம் மாவட்டத்தில் அதிக பட்சமாக காடையாம்பட்டி மற்றும் கரியகோவிலில் 5 மி.மீ. மழை பதிவாகி உள்ளது. ஏற்காட்டில் 4.2, கெங்கவல்லி 3.2, ஆனைமடுவு 2, ஆத்தூர் 1.8, சேலத்தில் 2 மி.மீ. மழையும் பதிவாகி உள்ளது.
ஏற்காட்டில் கடந்த சில நாட்களாக பனிப்பொழிவு அதிகமாக இருந்ததால் கடுங்குளிர் நிலவியது. இதனால் சுற்றுலா பயணிகள் வருகை குறைவாகவே இருந்தது.
இந்த நிலையில் நேற்று பனிப்பொழிவு மேலும் அதிகரித்ததால் குளிர் வாட்டியது. மாலையில் லேசான சாரல் மழையும் பெய்ததால் மேலும் குளிர் அதிகரித்தது. குடியரசு தின விழாவையொட்டி ஏற்காடு சென்ற சுற்றுலா பயணிகள் கடும் தவிப்புக்குள்ளாகினர். இன்று காலை வரையும் ஏற்காட்டில் லேசான சாரல் மழை பெய்து வருகிறது.
தர்மபுரி மாவட்டத்தில் நேற்று மாலை தொடங்கிய மழை இரவில் சாரலாக நீடித்தது. இதில் அதிகபட்சமாக பாலக்கோட்டில் 4.2 மி.மீ. மழையும், தர்மபுரி மற்றும் பாப்பிரெட்டிபட்டியில் 2 மி.மீ. மழையும் பதிவாகி உள்ளது. இன்று காலையும் வானம் மேக மூட்டத்துடன் காட்சி அளித்தது.
கிருஷ்ணகிரி மாவட்டத்தில் நேற்று இரவு 10 மணி அளவில் தொடங்கிய மழை கிருஷ்ணகிரி, ஒசூர், காவேரிபட்டினம் உள்பட மாவட்டத்தில் பல பகுதிகளில் சாரலாக நீடித்தது. இதனால் குளிர்ந்த காற்று வீசி வருகிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்