பொன்னமராவதியில் இலவச மருத்துவ முகாம்

பொன்னமராவதி:

பொன்னமராவதியில் உள்ள இந்திரா நகரில் இலவச மருத்துவ முகாம் நடந்தது. இந்த முகாமை சிட்டி லயன்ஸ் சங்கத்தலைவர் டாக்டர் கருணாநிதி தொடங்கி வைத்தார்.

துர்க்கா அறுவை சிகிச்சை மற்றும் ஆராய்ச்சி மைய மருத்துவர்கள் செல்வக் குமார், கருப்பசாமி ஆகியோர் தலைமையிலான மருத்துவக் குழுவினர் பொதுமக்களுக்கு மருத்துவப்பரிசோதனை செய்து மருந்து மாத்திரைகள் வழங்கினர்.

இதில் சிட்டி லயன்ஸ் சங்க செயலர் செல்வம், நிர்வாகிகள் பாலமுரளி, பாலசுப்பிரமணியன், சிவக் குமார், ரவிச்சந்திரன், முன்னாள் வார்டு கவுன்சிலர் தியாகு உட்பட பலர் கலந்து கொண்டனர். இதற்கான ஏற்பாடுகளை பொன்னமராவதி சிட்டி லயன்ஸ் சங்கம் மற்றும் துர்க்கா அறுவை சிகிச்சை மற்றும் ஆராய்ச்சி மையத்தினர் செய்திருந்தனர்.