மணகோலத்தில் வந்து அஞ்சலி செலுத்திய அ.தி.மு.க. நிர்வாகி

ஸ்ரீபெரும்புதூர்:

ஸ்ரீபெரும்புதூர் அடுத்த தண்டலம் அ.தி.மு.க. கிளை கழக அவைத் தலைவர் கார்த்திக்- ஸ்நேகா திருமணம் இன்று காலை பெசன்ட் நகரில் நடந்தது. திருமணம் முடிந்தவுடன் கார்த்திக் தனது மனைவியுடன் ஜெயலலிதா சமாதிக்கு வந்து அஞ்சலி செலுத்தினார்.

இதுபற்றி கார்த்திக் கூறுகையில், “நான் திருமணம் முடிந்தவுடன் முதல்-அமைச்சர் அம்மாவை சந்தித்து ஆசி பெற வேண்டும் என்று நினைத்து இருந்தேன். ஆனால் அம்மா திடீரென்று மறைந்ததால் மிகவும் கவலை அடைந்தேன். இன்று காலை திருமணம் முடிந்தவுடன் நேராக ஜெயலலிதா சமாதிக்கு வந்து அஞ்சலி செலுத்தி அம்மாவிடம் ஆசி பெற்றோம் என்றார்.