விமானி வராததால் மாலத்தீவு-அந்தமான் விமானங்கள் தாமதம்

ஆலந்தூர்:

சென்னை, சர்வதேச விமான நிலையத்தில் இருந்து இன்று காலை 7 மணியளவில் திருவனந்தபுரம் வழியாக மாலத்தீவுக்கு செல்லும் விமானம் புறப்பட இருந்தது.

அதில் செல்ல வேண்டிய 142 பயணிகளும் ஏற தயாராக இருந்தனர். ஆனால் விமானத்தை இயக்கும் விமானி வரவில்லை.

இதையடுத்து மாற்று விமானி வரவழைக்கப்பட்டார். பின்னர் 3 மணி நேரம் தாமதமாக காலை 10 மணிக்கு திருவனந்தபுரம் நோக்கி விமானம் புறப்பட்டு சென்றது.

இதே போல் சென்னை உள்நாட்டு முனையத்தில் காலை 5 மணியளவில் அந்தமான் செல்லும் விமானம் தயாராக இருந்தது. அதில் 123 பயணிகள் செல்ல இருந்தனர்.

விமானி வராததால் விமானம் குறிப்பிட்ட நேரத்தில் இயக்கப்படவில்லை. மாற்று விமானி வரவழைக்கப்பட்டு தாமதமாக 9.30 மணிக்கு அந்தமானுக்கு புறப்பட்டு சென்றது. இதனால் பயணிகள் அவதி அடைந்தனர்.