வேதாரண்யம் அருகே 2 குழந்தைகளுடன் பெண் தற்கொலை முயற்சி

வேதாரண்யம்:

நாகை மாவட்டம் வேதாரண்யம் அருகே உள்ள தலைஞாயிறு, மணக்குடி பகுதியை சேர்ந்தவர் அருள்மணி (வயது 35) விவசாயி. இவரது மனைவி கோமகள் (30). இவர்களுக்கு கருனி என்ற 7 வயது மகளும், ஹரிஹரன் என்ற 5 வயது மகனும் உள்ளனர்.

இந்த நிலையில் கணவன்-மனைவி இடையே அடிக்கடி குடும்ப பிரச்சினை காரணமாக தகராறு ஏற்பட்டுவந்தது. இதில் மனமுடைந்த கோமகள் தனது 2 குழந்தைகளுக்கும் அதிக அளவில் தூக்க மாத்திரையை உணவில் கலந்து கொடுத்து விட்டு அவரும் தூக்க மாத்திரையை சாப்பிட்டு தற்கொலைக்கு முயன்று உள்ளார்.

இதில் மயக்கம் அடைந்த 3 பேரையும் அக்கம் பக்கத்தில் உள்ளவர்கள் மீட்டு திருத்துறைப்பூண்டி அரசு ஆஸ்பத்திரியில் அனுமதித்தனர். பின்னர் அவர்கள் மேல் சிகிச்சைக்காக திருவாரூர் அரசு மருத்துவக்கல்லூரி ஆஸ்பத்திரியில் அனுமதிக்கப்பட்டு சிகிச்சை பெற்று வருகின்றனர்.

இது தொடர்பாக தலைஞாயிறு போலீசார் வழக்குப்பதிவு செய்து விசாரணை நடத்தி வருகின்றனர்.