அணைக்கட்டு வேலூர் நகரிலிருந்து 20 கி.மீ. தொலைவில் அமைந்துள்ளது.1962-ல் விரிஞ்சிபுரம் தொகுதியாகவும் 1967 மற்றும் 1971-ல் கணியம்பாடி தொகுதியாகவும் 1977 முதல் அணைக்கட்டு தொகுதியாக உள்ளது.
அணையில் பெயரில் இருப்பதால் குழப்பம் ஏற்படுகிறது. ஆனால் கிராமத்தின் உள்ளேயும், வெளியேயும் அணைகள் இல்லை. இந்த இடம் வேளாண்மைக்கு பிரபலமானது. ஆரம்ப காலத்தில் அறுவடையான நெற்பயிரில் இருந்து நெல்ல்லை பிரித்தெடுக்க யானைகளைப் பயன்படுத்தினர்.
தமிழில் ஆனையை கட்டி என்பது ஆங்கிலேயர் காலத்தில் அணைக்கட்டு என மருவியது. அடுக்கம்பாறை அரசு மருத்துவக்கல்லூரி, ஸ்ரீபுரம் தங்க கோவில் இந்த தொகுதியின் அடையாளமாக உள்ளது. வெளிநாட்டினர் வடமாநிலத்தவர் மற்றும் தமிழகத்தின் பல்வேறு பகுதிகளில் இருந்து பக்தர்கள் தங்க கோவிலுக்கு வந்து சாமி தரிசனம் செய்து வருகின்றனர். ஏராளமான மலை கிராமங்கள் இந்த தொகுதியில் அடங்கியுள்ளன.
வாரச் சந்தை ஒவ்வொரு சனிக்கிழமைகளிலும் ஊரின் பொதுவான இடத்தில் நடக்கும்.
கந்தனேரி, கழனிப்பாக்கம், இறையன்காடு, ஒக்கனாபுரம், விரிஞ்சிபுரம், செதுவாலை, சத்தியமங்கலம், பொய்கை, மேல்மொணவூர், கீழ்மொணவூர், சதுப்பேரி, சிருகாஞ்சி, செம்பேடு, அப்துல்லாபுரம், தெள்ளூர், புதூர், இலவம்பாடி, வல்லண்டராமம், வசந்தநடை, அணைக்கட்டு, ஊனை, கொம்மலான்குட்ட, பிராமணமங்கலம், கீழ்கிருஷ்ணாபுரம், திப்பசமுத்திரம், ஒதியதூர், கெங்கநல்லூர், புலிமேடு, புதூர், செக்கனூர்,
குப்பம், முருக்கேரி, அரியூர், காட்டுப்புத்தூர், ஊசூர், அத்தியூர், அப்புக்கல், கரடிகுடி, தேவிசெட்டிகுப்பம், கருங்காலி, மகமதுபுரம், ஒங்கப்பாடி, வரதலம்பட்டு, அல்லேரி, சோழவரம், சாத்துபாளையம், பாலம்பாக்கம், துத்திக்காடு, தெள்ளை, எழுபறை, கீழ்கொத்தூர், பின்னந்துரை, நேமந்தபுரம், அத்திகுப்பம், மடையாபட்டு, சேர்பாடி, புதுக்குப்பம், பீஞ்சமந்தை, கத்தாரிகுப்பம், கெங்கசாணிகுப்பம், வண்ணான் தாங்கல், மேல்அரசம்பட்டு, உமையாம்பட்டு, முள்ளவாடி, பெரியபணப்பாறை, பாலாம்பட்டு, ஜார்தான்கொல்லை மற்றும் கீழ் அரசம்பட்டு கிராமங்கள்.
பள்ளிகொண்டா பேரூராட்சி, கருகம்பத்தூர் வேலூர் மாநகராட்சியில் உள்ள பலவன்சாத்து அரியூர், விருப்பாச்சிபுரம் பாகாயம் மற்றும் பென்னாத்தூர் (பேரூராட்சி), ஒடுக்கத்தூர் (பேரூராட்சி) பகுதிகள் இந்த தொகுதியில் அடங்கியுள்ளன.
மொத்தம் 2 லட்சத்து 53,376 வாக்காளர்கள் உள்ளனர். இதில் ஆண்கள் 1,22,955,பெண்கள் 1,30,344, மூன்றாம் பாலினம் 37 பேர் உள்ளனர்.
இந்த தொகுதியில் 40 சதவீதம் வன்னியர் சமூகத்தினர் உள்ளனர். இவர்கள்தான் வெற்றி தோல்வியை தீர்மானிக்கும் சக்தியாக விளங்குகின்றனர். இதுதவிர யாதவர்கள், ஆதிதிராவிடர் மற்றும் பழங்குடியினர், முதலியார் சமூகத்தினரும் பரவலாக உள்ளனர்.
இதுவரை நடந்த 10 தேர்தலில் அ.தி.மு.க. 6 தடவையும், தி.மு.க. 3, பா.ம.க. ஒரு முறையும் வெற்றி பெற்றுள்ளன.
விவசாயம் மட்டுமே இந்த தொகுதியில் பிரதான தொழிலாக அமைந்துள்ளது ஒடுகத்தூர் கொய்யா, மருத்துவ குணம் வாய்ந்த இலவம்பாடி கத்தரி மிகவும் பிரசித்தி பெற்றதாகும்.
அணைக்கட்டு ஒன்றியத்துக்கு உட்பட்ட குருமலை, பீஞ்சமந்தை, பலாம்பட்டு ஊராட்சியில் 10 ஆயிரத்துக்கும் மேற்பட்ட மலைவாழ் மக்கள் வசிக்கின்றனர். கல்வி, மருத்துவம், சுகாதாரத்தில் பின் தங்கிய இப்பகுதி மக்களுக்கு சாலை மற்றும் பஸ் வசதி செய்து தர வேண்டும். அணைக்கட்டு மேம்படுத்தப்பட்ட ஆரம்ப சுகாதார நிலையத்தை தாலுகா அளவிலான மருத்துவமனையாக தரம் உயர்த்த வேண்டும்.
ஒடுகத்தூர் மற்றும் அதன் சுற்றுவட்டாரத்தில் உள்ள கிராமங்களுக்கு மினிபஸ் வசதி, விவசாயிகளுக்கு தோட்டக்கலை பயிர் வளர்க்க சிறப்பு திட்டங்கள், மாதனூரில் புதிய போலீஸ் நிலையம், பள்ளிகொண்டாவில் விரிவுபடுத்திய வாரச்சந்தை மைதானம் அமைக்க வேண்டும் என்பது நீண்ட நாள் கோரிக்கையாக இருக்கிறது.
அதிமுக சார்பில் வேலழகன் களம் காண்கிறார். அவரை எதிர்த்து திமுக சார்பில் ஏற்கனவே எம்எல்.ஏ.-வாக உள்ள ஏ.பி. நந்தகுமார் களம் இறங்குகிறார்.
1977- மார்கபந்து- அ.தி.மு.க
1980- ஜி.விசுவநாதன்- அ.தி.மு.க.
1984- வி.ஆர். கிருஷண்சாமி- அ.தி.மு.க.
1989- கண்ணன்- தி.மு.க.
1991- தருமலிங்கம்- அ.தி.மு.க.
1996- கோபு- தி.மு.க.
2001- பாண்டுரங்கன்- அ.தி.மு.க.
2006- பாண்டுரங்கன்- அ.தி.மு.க.
2011- கலையரசு- பா.ம.க.
2016- ஏ.பி. நந்தகுமார்- தி.மு.க.
