பெருந்துறை தொகுதி கண்ணோட்டம்

பெருந்துறை தொகுதியில் விவசாயம், மோட்டார் வாகன தொழில், போர்வெல் லாரி தொழில், கல்குவாரி ஆகியவை பிரதான தொழிலாக விளங்கி வருகிறது. பெருந்துறை வாரச்சந்தை தமிழகத்திலேயே மூன்றாவது பெரிய சந்தையாக திகழ்ந்து வருகிறது.

பெருந்துறை அருகே தென்கிழக்கு ஆசியாவிலேயே மிகப்பெரிய அளவிலான சிப்காட் வளாகம் அமைந்து உள்ளது. இங்கு கியாஸ் நிரப்பும் பிளாண்ட், பிஸ்கட் கம்பெனி உள்ளிட்ட பல்வேறு முன்னணி நிறுவனங்கள் செயல்பட்டு வருகிறது. இதன் மூலம் பல கோடி ரூபாய் வர்த்தகம் நடைபெற்று வருகிறது.

கீழ்பவானி, எல்.பி.பி. வாய்க்காலின் பெரும்பகுதி பெருந்துறை தொகுதியில் உள்ள காஞ்சிக்கோவில், நல்லாம்பட்டி, பெத்தாம்பாளையம், பள்ளப்பாளைம், நசியனூர் ஆகிய பகுதிகளில் அமைந்து உள்ளது. இதனால் இங்கு கரும்பு, மஞ்சள், நெல், வாழை ஆகியவை பயிரிடப்பட்டு வருகின்றன.

புதுப்பாளையம், மேட்டுப்பாளையம், நல்லிகவுண்டன் பாளையம்,குமார கவுண்டன்பாளையம், குறிச்சி, நெட்டிச்சி பாளையம், செட்டிக்குட்டை, வளையபாளையம், கணபதி பாளையம், தோரணவாவி, மடத்துப்பாளையம், வெட்டையங்கிணறு, சுங்ககாரம் பாளையம், திங்களூர், பாடியம்பாளையம், சிங்கநல்லூர், ஓலப்பாளையம், முள்ளம்பட்டி, ஓலப்பாளையம், கந்தாம்பாளையம், பெரியவிளாமலை, சின்ன விளாமலை, திருவாச்சி, பூவம்பாளையம், பாலக்கரை, சின்னமல்லன் பாளையம், நிமிட்டி பாளையம்,, ஊஞ்சபாளையம், கரண்டி பாளையம், பாப்பம் பாளையம், சின்ன வீரசங்கிலி, பெரிய வீரசங்கிலி, வெள்ளிரவெளி, சின்னியம்பாளையம் வேலம் பாளையம், நவக்காடு, கருமாஞ்சிரை, கம்மளக்கூட்டை, இடைய்பாளையம், சின்னகவுண்டன்வலசு,

வட்டலாபதி, வெள்ளியம்பதி, கண்டக்கம் பாளையம், விருமாண்டம் பாளையம், முத்தம் பாளையம், செங்கப்பள்ளி, தென்முக காங்கய பாளையம், வடமுக காங்கய பாளையம்,செங்காளி பாளையம், கவுத்தம் பாளையம், எருமைக்காரம் பாளையம்,கூனம்பட்டி, அட்டவணை பல்லகவுண்டன் பாளையம், முகாசி பல்லகவுண்டன் பாளையம், மாரப்ப நாயக்கன் பாளையம், மூங்கில்பாளையம், மேட்டுபுதூர், ஆயிகவுண்டன்பாளையம், சீனாபுரம், துடுப்பதி, கள்ளிபாளையம், வரப்பாளையம், கொங்கம்பாளையம், நடுப்பட்டி, புதூர் பள்ளப் பாளையம், புஞ்சை தளவாய்ப் பாளையம்,

ரெட்டிப்பாளையம், அக்ரகார பெரிய பாளையம், சர்க்கார் பெரியபாளையம், அணைப்பாளையம், பல்லவராயன் பாளையம், அக்ரகார கத்தாங்கண்ணி, இச்சி பாளையம், சர்க்கார் கத்தாங்கண்ணி, சிறுக்களஞ்சி, குத்தம் பாளையம், வாய்ப்பாடி மற்றும் சென்னிமலை கிராமங்கள் அடங்கியுள்ளன.

மேலும் பெத்தம்பாளையம், பள்ளபாளையம், காஞ்சிக்கோவில், கருமாண்டி செல்லிப் பாளையம், நல்லம்பட்டி, குன்னத்தூர், விஜயபுரி, பெருந்துறை, ஊத்துக்குளி ஆகிய பேரூராட்சிகள் அடங்கியுள்ளன.

பெருந்துறை தொகுதியில 1 லட்சத்து 10 ஆயிரத்து 325 ஆண் வாக்காளர்கள், 1 லட்சத்து 17 ஆயிரத்து 67 பெண் வாக்காளர்கள் மற்றும் மூன்றாம் பாலினத்தவர் 6 பேர் என மொத்தம் 2 லட்சத்து 27 ஆயிரத்து 398 வாக்காளர்கள் உள்ளனர். இதில் ஆண் வாக்காளர்களை விட 6 ஆயிரத்து 742 பெண் வாக்காளர்கள் அதிகம் உள்ளனர்.

இத்தொகுதியில் கொங்கு வேளாளக் கவுண்டர்கள், வேட்டுவகவுண்டர்கள், பட்டியல் இனத்தவர்கள், கிறிஸ்தவர்கள், முஸ்லீம்கள் உள்பட பலர் நிறைந்து உள்ளனர்.

இத்தொகுதியில் இதுவரை நடைபெற்ற 14 தேர்தல்களில் அ.தி.மு.க. 8 முறையும், காங்கிரஸ் ஒரு முறையும், இந்திய பொதுவுடமை கட்சி 4 முறையும், சங்கத சோசலிச கட்சி ஒரு முறையும் வெற்றி பெற்றுள்ளது.

பெருந்துறை தொகுதியில் தேசிய நெடுஞ்சாலை செல்கிறது. இந்த தொகுதியில் ஒரு அரசு மருத்துவக்கல்லூரி, 5 பொறியியல் கல்லூரி, ஒரு அரசு பாலிடெக்னிக் கல்லூரி, தனியார் பாலிடெக்னிக் கல்லூரிகள் அமைந்து உள்ளது.

அத்திக்கடவு அவினாசி திட்டப்பணிகள் இந்த தொகுதிக்கு உட்பட்ட பகுதிகளில் தீவிரமாக செயல்படுத்தப்பட்டு வருகிறது. மேலும் பெருந்துறை தொகுதி முழுவதும் உள்ள பொதுமக்கள் பயன்பெறும் வகையிலான கொடிவேரி கூட்டுக் குடிநீர் திட்டப்பணியும் ஏறக்குறைய முடிவடையும் நிலையில் உள்ளது. இந்த திட்டம் நிறைவடைந்த நிலையில் இனிமேல் பெருந்துறை தொகுதிக்கு குடிநீர் பஞ்சம் என்ற நிலை வருங்காலத்தில்இருக்காது.

பெருந்துறையில் அனைத்து சுற்றுவட்டார பகுதிகளுக்கும் கிராமங்களுக்கும் போக்குவரத்து வசதி மற்றும் சாலை வசதி முழுமையாக செய்யப்பட்டுள்ளது. பெருந்துறையில் அமைந்துள்ள ஆர்.டி.ஓ. அலுவலகத்தில் தினமும் 50-க்கும் மேற்பட்ட வாகனங்கள் பதிவு செய்யப்படுகிறது.

தற்பொழுது இந்த பெருந்துறை தொகுதிக்குள் அத்திக்கடவு அவினாசி திட்டம், புதைவழி மின் பாதை, கொடிவேரி கூட்டு குடிநீர் திட்டம், காவல் நிலையம் முதல் பழைய பஸ் நிலையம் வரை சாக்கடை வசதி செய்து நடை மேடை அமைக்கும் பணி போன்ற திட்டங்கள் நடந்து வருகிறது. எனவே இந்த பணிகளை விரைந்து முடித்து பயன்பாட்டிற்கு கொண்டு வர வேண்டும் என்று பொதுமக்கள் கோரிக்கை விடுத்து உள்ளனர்.

இரண்டு முறை வெற்றி பெற்ற தோப்பு வெங்கடாசலத்திற்கு வாய்ப்பு வழங்காமல் அதிமுக எஸ்.ஜெயக்குமாருக்கு சீட் கொடுத்துள்ளது. திமுக கூட்டணியில் கொங்குநாடு மக்கள் தேசிய கட்சிக்கு இத்தொகுதி ஒதுக்கப்பட்டுள்ளது. அக்கட்சியின் சார்பில் கே.கே.சி. பாலு களம் இறங்குகிறார்.

1957- என்.கே.பழனிசாமி (இந்திய பொதுவுடமை கட்சி)

1962- என்.நல்லசேனாபதி சர்க்கரை மன்றாடியார் (காங்கிரசு)

1967- எசு.பாலசுப்பிரமணியம் சங்கத சோசலிச கட்சி

1971- என்.கே.பழனிசாமி (இந்திய பொதுவுடமை கட்சி)

1977- எ.பொன்னுசாமி (அ.தி.மு.க.)

1980- டி.கே.நல்லப்பன் (இந்திய பொதுவுடமை கட்சி)

1984- எ. பொன்னுசாமி (அ.தி.மு.க.)

1989- வி.என்.சுப்பிரமணியன் (அ.தி.மு.க.(ஜெ))

1991- வி.என்.சுப்பிரமணியன் (அ.தி.மு.க.)

1996- என்.பெரியசாமி (இந்திய பொதுவுடமை கட்சி)

2001- கே.எசு.பழனிசாமி (அ.தி.மு.க.)

2006- பொன்னுதுரை (அ.தி.மு.க.)

2011- என்.டி.தோப்பு வெங்கடாசலம் (அ.தி.மு.க.)

2016- என்.டி.தோப்பு வெங்கடாசலம் (அ.தி.மு.க.)