சத்தான ஸ்நாக்ஸ் சிறுதானிய நட்ஸ் பக்கோடா

தேவையான பொருட்கள் :

ராகி மாவு - 2 கப்,
கடலை மாவு - 1 கப்,
மிளகாய் தூள் - 1 டீஸ்பூன்,
முந்திரி, வேர்க்கடலை என பொடித்த நட்ஸ் - தலா 3 டேபிள்ஸ்பூன்,
சோடா உப்பு - 1 சிட்டிகை,
முட்டைக்கோஸ் - 1/2 கப்,
கறிவேப்பிலை - சிறிது,
கொத்தமல்லி - சிறிது,
வெள்ளை எள் - 1 டீஸ்பூன்,
ஓட்ஸ் - 1/2 கப்,
பச்சை மிளகாய் - 4,
இஞ்சி - சிறிய துண்டு
வெங்காயம் - 1,
உப்பு, கடலை எண்ணெய் - தேவைக்கு.



செய்முறை :

* இஞ்சியை துருவிக்கொள்ளவும்.

* வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

* முட்டைக்கோஸை மெல்லியதாக நீளவாக்கில் நறுக்கி கொள்ளவும்.

* ஓட்ஸை வெறும் கடாயில் போட்டு லேசாக வறுத்து கொள்ளவும்.

* ஒரு பாத்திரத்தில் ஓட்ஸ், எண்ணெயைத் தவிர, ராகி மாவு, கடலை மாவுடன் மற்ற எல்லாவற்றையும் ஒவ்வொன்றாகக் கலக்கவும்.

* கலந்ததும் சூடாக 2 டேபிள்ஸ்பூன் எண்ணெயை அதில் ஊற்றி, கெட்டியாக பக்கோடா மாவு பதத்துக்குக் கலக்கவும்.

* பிறகு கலவையை சிறு சிறு உருண்டைகளாக உருட்டி, ஓட்ஸின் மேல் புரட்டி வைக்கவும்.

* கடாயை அடுப்பில் வைத்து எண்ணெய் ஊற்றி சூடானதும் உருட்டி வைத்தவைகளை போட்டு பொன்னிறமாக பொரித்து எடுக்கவும்.

* சூப்பரான சிறுதானிய நட்ஸ் பக்கோடா ரெடி.

* விருப்பமான சட்னியுடன் சூடாகப் பரிமாறவும். சாட் மசாலா தூவியும் பரிமாறலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.