சப்பாத்திக்கு தொட்டு சூப்பரான சுண்டைக்காய் சப்ஜி

தேவையான பொருட்கள் :

பச்சை சுண்டைக்காய் - 1 கப்
சின்ன வெங்காயம் - 5
தக்காளி சிறியது - 1
துவரம் பருப்பு - 1/2 கப்
மஞ்சள் பொடி - 1/4 டீஸ்பூன்
புளி - சிறிய எலுமிச்சையளவு
குழம்புப்பொடி - 2 டீஸ்பூன்
உப்பு, எண்ணெய் - தேவையான அளவு
கடுகு - 1/2 டீஸ்பூன்
உளுத்தம் பருப்பு - 1/2 டீஸ்பூன்
கறிவேப்பிலை - சிறிது

செய்முறை :

* துவரம் பருப்பை மஞ்சள் பொடி சேர்த்து வேக வைத்துக் கொள்ளவும்.

* சுண்டைக்காயை காம்பை எடுத்து விட்டு இரண்டாக நறுக்கிக் கொள்ளவும்.

* சின்ன வெங்காயம், தக்காளியை பொடியாக நறுக்கிக் கொள்ளவும்.

* புளியை ஊற வைத்து கரைத்துக் கொள்ளவும்.

* ஒரு குக்கரில் எண்ணெயை சூடாக்கி அதில் கடுகு, உளுத்தம் பருப்பு, கறிவேப்பிலை போட்டு தாளித்த பின் வெங்காயத்தை போட்டு வதக்கவும்.

* வெங்காயம் நன்றாக வதங்கியதும் தக்காளியை சேர்த்து வதக்கவும்.

* வெங்காயம், தக்காளி நன்றாக வதங்கியதும் அதில் சுண்டைக்காயை சேர்த்து நன்றாக வதக்கவும்.

* பின்னர் வேக வைத்த துவரம் பருப்பு, புளிக்கரைசல், குழம்புப் பொடி, உப்பு போட்டு குக்கரை மூடி ஒரு விசில் போட்டு இறக்கவும்.

* விசில் போனவுடன் குக்கரைத் திறந்து நன்றாக கொதிக்க விட்டு இறக்கி பரிமாறவும்.

* சூப்பரான சுண்டைக்காய் சப்ஜி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.