சத்தான கீரை - பாசிப்பருப்பு பொரியல்

தேவையான பொருட்கள் :

கீரை - 1 கட்டு ( விருப்பமான கீரை)
பாசிப்பருப்பு - அரை கப்
தேங்காய் துருவல் - 1 தேக்கரண்டி

தாளிக்க :

எண்ணெய் - 1 தேக்கரண்டி
கடுகு - 1 தேக்கரண்டி
உளுத்தம்பருப்பு - 1 தேக்கரண்டி
மிளகாய் வற்றல் - 2

செய்முறை :

* கீரையை மண் போக அலசி ஆய்ந்து பொடியாக நறுக்கி கொள்ளவும்.

* பாசிப்பருப்பை உதிரியாக வேக வைத்து கொள்ளவும்.

* ஒரு வாணலியில் எண்ணெய் விட்டு தாளிக்க கொடுக்கப்பட்டுள்ள பொருட்களைத் தாளித்த பின் கீரையைப் போட்டு வேக விடவும்.

* கீரை பாதி வெந்த பிறகு உப்பு போடவும்.

* அடுத்து அதில் வேக வைத்த பாசிப்பருப்பையும் சேர்த்து ஒன்றாக வதக்கவும்.

* கடைசியாக தேங்காய்த்துருவலைப் போட்டு ஒரு பிரட்டு பிரட்டி இறக்கவும்.

* சுவையான கீரை - பாசிப்பருப்பு பொரியல் தயார்.

* வெந்தயக்கீரை தவிர்த்து எல்லா விதக் கீரையிலும் செய்யலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.