ஒண்டிமிட்டா கோதண்டராமசாமி கோவிலுக்கு தங்க நெக்லஸ் காணிக்கை

கடப்பா மாவட்டம் ஒண்டிமிட்டா கோதண்டராமசாமி கோவிலுக்கு கர்னூலை சேர்ந்த பக்தர் புள்ளாரெட்டி என்பவர் ரூ.1 லட்சத்து 85 ஆயிரம் மதிப்பில் 4¾ பவுன் எடையில் தயாரிக்கப்பட்ட நெக்லஸ் ஒன்றை காணிக்கையாக வழங்கினார். அந்த நெக்லசை கோவில் உதவி அதிகாரி முரளிதர் பெற்றுக் கொண்டார்.

அந்தத் தங்க நெக்லசுக்கு பூஜைகள் செய்து, கோவிலில் எழுந்தருளிய சீதா பிராட்டிக்கு அணிவித்து அலங்காரம் செய்யப்பட்டது. அப்போது கோவில் கண்காணிப்பாளர் வெங்கடேஷ், ஆய்வாளர் கிரி, அர்ச்சகர்கள் ஆகியோர் உடனிருந்தனர். அந்தப் பக்தருக்கு கோவிலில் தரிசன ஏற்பாடுகளை அதிகாரிகள் செய்து வைத்தனர்.