திருப்புல்லாணி ஆதி ஜெகநாத பெருமாள் கோவில் பிரம்மோற்சவ திருவிழா 20-ந்தேதி தொடங்குகிறது || thirupullani adhi jagannatha perumal temple Bramorchavam

ராமநாதபுரம் அருகே திருப்புல்லாணி ஆதி ஜெகநாத பெருமாள் கோவிலில் பங்குனி பிரம்மோற்சவ திருவிழா வருகிற 20-ந் தேதி கொடியேற்றத்துடன் தொடங்குகிறது.

திருப்புல்லாணி ஆதி ஜெகநாத பெருமாள் கோவில்

ராமநாதபுரம் அருகே திருப்புல்லாணியில் ராமநாதபுரம் சமஸ்தானம் தேவஸ்தானத்திற்கு பாத்தியப்பட்ட ஆதி ஜெகநாத பெருமாள் கோவில் உள்ளது. இந்த கோவிலில் பிரம்மோற்சவம் திருவிழா வருகிற 20-ந் தேதி கொடியேற்றத்துடன் தொடங்குகிறது.

அன்றைய தினம் இரவு சூரிய பிரபை வாகனத்தில் சாமி எழுந்தருளி அருள்பாலிக்கின்றார். விழாவையொட்டி தினமும் சிம்மவாகனம், அனுமார் வாகனம், சேஷ வாகனம், ஹம்ச வாகனம் உள்ளிட்ட பல்வேறு வாகனங்களில் சுவாமி வீதிஉலா நிகழ்ச்சி நடைபெறுகின்றது.

விழாவின் முக்கிய நிகழ்ச்சிகளான கருட சேவை நிகழ்ச்சி 23-ந் தேதியும், 28-ந் தேதி தேரோட்ட நிகழ்ச்சியும் நடைபெறுகின்றது. திருவிழா வருகிற 31-ந் தேதி உற்சவ சாந்தியுடன் நிறைவு பெறுகின்றது.

திருவிழாவுக்கான ஏற்பாடுகளை ராணி ராஜேஸ்வரி நாச்சியாரின் உத்தரவின்பேரில் திவான் பழனிவேல் பாண்டியன், சரக பொறுப்பாளர் ராமு, பேஸ்கார் கண்ணன் மற்றும் கோவில் பணியாளர்கள் செய்து வருகின்றனர்.