ஏரல் சேர்மன் அருணாசலசாமி கோவிலில் தை அமாவாசை திருவிழா இன்று நடக்கிறது || Eral Chairman Arunachala Swamy Temple Thai Amavasai festival

தூத்துக்குடி மாவட்டத்தில் உள்ள பிரசித்திபெற்ற கோவில்களில் ஏரல் சேர்மன் அருணாசலசாமி கோவிலில் தை திருவிழாவின் சிகர நிகழ்ச்சியான தை அமாவாசை 10-ம் நாளான இன்று (வியாழக்கிழமை) நடைபெறுகிறது.

ஏரல் சேர்மன் அருணாசலசாமி கோவில்

தூத்துக்குடி மாவட்டத்தில் உள்ள பிரசித்திபெற்ற கோவில்களில் ஏரல் சேர்மன் அருணாசலசாமி கோவிலும் ஒன்றாகும். இந்த கோவிலில் ஆண்டுதோறும் தை அமாவாசை திருவிழா 12 நாட்கள் வெகு சிறப்பாக நடைபெறும். அதுபோல் இந்த ஆண்டுக்கான திருவிழா கடந்த 2-ந் தேதி கொடியேற்றத்துடன் தொடங்கியது. விழா நாட்களில் சுவாமிக்கு பல்வேறு சிறப்பு பூஜைகள், அபிஷேகங்கள் நடந்தது.

சிகர நிகழ்ச்சியான தை அமாவாசை 10-ம் நாளான இன்று (வியாழக்கிழமை) நடைபெறுகிறது. இதையொட்டி இன்று மதியம் 1 மணிக்கு சுவாமிக்கு உருகு பலகை தரிசனம், பல்வேறு அபிஷேகங்கள் நடக்கின்றது. மாலை 5 மணிக்கு இலாமிச்சவேர் சப்பரத்தில் சேர்மதிருக்கோலக்காட்சியும், இரவு 10 மணிக்கு கற்பக பொன் சப்பரத்தில் சிவப்பு சாத்தி தரிசனமும் நடக்கிறது.