ஈரோட்டில் நாளை ஸ்ரீ ஜெகந்நாதர் தேர்த்திருவிழா

ஒடிசா மாநிலம் பூரியில் ஸ்ரீ ஜெகந்நாதர் (ஸ்ரீகிருஷ்ணர்) தேர்த்திருவிழா மிகவும் பிரசித்திப் பெற்றது. அந்த தேர்த்திருவிழா தற்போது ஈரோட்டிலும் நடத்தப்பட்டு வருகிறது.

இந்தாண்டு 2-ம் ஆண்டு விழாவாக இந்த தேர்த்திருவிழா நாளை (சனிக்கிழமை) நடக்கிறது.

அன்று மாலை 3 மணிக்கு பிரப் ரோட்டில் உள்ள செங்குந்தர் நர்சரி பள்ளியில் ஜெகந்நாதர் தேர் பவனி தொடங்கி பெருந்துறை மெயின் ரோடு வழியாக மாலை 6 மணியளவில் குருசாமி கவுண்டர் திருமண மண்டபத்தில் தேர் நிலை சேருகிறது.

இரவு 7 மணிக்கு கோவை இஸ்கானின் தலைவர் பக்தி வினோத சுவாமி மகராஜ், ஸ்ரீ ஜெகந்நாதர் லீலைகள் பற்றி உபன்யாசம் செய்கிறார்.

தொடர்ந்து இரவு 7.45 மணிக்கு விசே‌ஷ பூஜையும் முடிவில் பக்தர்களுக்கு பிரசாதமும் வழங்கப்படுகிறது.

இத்தேர்த்திருவிழா- ஆன்மீக சொற்பொழிவு நிகழ்ச்சியில் கலந்து கொள்ளுமாறு ஈரோடு அகில உலக கிருஷ்ண பக்தி இயக்கம் சார்பில் கேட்டுக் கொள்ளப்பட்டுள்ளது.