26-ந் தேதி (செவ்வாய்) * ராமேஸ்வரம் சேது மாதவ சன்னிதிக்கு, விநாயகப்பெருமான் எழுந்தருளி ஆராதனை விழா.
* தேவகோட்டை ரெங்கநாதர் புறப்பாடு.
* சுவாமிமலை முருகப்பெருமான் ஆயிரநாமாவளி கொண்ட தங்கப் பூமாலை சூடியருளல்.
* சமநோக்கு நாள்.
27-ந் தேதி (புதன்) * திருப்பாப்புலியூர், காளையார் கோவில், நயினார் கோவில்களில் ஆடிப்பூர உற்சவம் ஆரம்பம்.
* ராமேஸ்வரம் பர்வதவர்த்தினி அம்மன், திருவாடானை சிநேக வள்ளியம்மன், நாகப்பட்டினம் நீலாயதாட்சியம்மன் ஆகிய கோவில்களில் உற்சவம் ஆரம்பம்.
* ஸ்ரீவைகுண்டம் வைகுண்டபதி புறப்பாடு.
* திருப்பதி ஏழுமலையப்பன் சகசர கலசாபிஷேகம்.
* சமநோக்கு நாள்.
28-ந் தேதி (வியாழன்) * கார்த்திகை விரதம்.
* ஸ்ரீவில்லிபுத்தூர் ஆண்டாள் சன்னிதியில் ஆடிப்பூர உற்சவம் தொடக்கம், இரவு 16 சக்கர வண்டிச் சப்பரம் என்ற அழகான திருத்தேரில் ஆண்டாள் பவனி.
* நாகப்பட்டினம் நீலாயதாட்சியம்மன், மகாலட்சுமி அலங்காரத்தில் காட்சியருளல்.
* ராமேஸ்வரம் பர்வதவர்த்தினி அம்மன் தங்க காமதேனு வாகனத்தில் வீதி உலா.
* திருத்தணி முருகப்பெருமான் கோவிலில் தெப்ப உற்சவம்.
* கீழ்நோக்கு நாள்.
29-ந் தேதி (வெள்ளி) * நாகப்பட்டினம் நீலாயதாட்சியம்மன் காலை பெரிய சிம்ம வாகனத்திலும், இரவு பால வெள்ளி கிளி வாகனத்திலும் பவனி.
* மன்னார்குடி ராஜகோபால சுவாமி புறப்பாடு.
* திருவிடைமருதூர் பிரகத்குசாம்பிகை திருவீதி உலா.
* கீழ்நோக்கு நாள்.
30-ந் தேதி (சனி) * சர்வ ஏகாதசி.
* திருநெல்வேலி காந்திமதி அம்மன் ரிஷப வாகனத்திலும், ஸ்ரீவில்லிபுத்தூர் ஆண்டாள் தங்க பரங்கியிலும், ரெங்கமன்னார் அனுமன் வாகனத்திலும் திருவீதி உலா.
* நாகப்பட்டினம் நீலாயதாட்சியம்மன் காலை பெரிய கிளி வாகனத்திலும், மாலை வேணுகோபாலர் அலங்காரத்திலும் காட்சி அருளல்.
* திருமோகூர் காளமேகப் பெருமாள் புறப்பாடு.
* சமநோக்கு நாள்.
31-ந் தேதி (ஞாயிறு) * பிரதோஷம்.
* நாகப்பட்டினம் நீலாயதாட்சியம்மன் காலை கமல வாகனத்தில் வீதி உலா, இரவு சிவலிங்க பூஜை செய்தல்.
* ஸ்ரீவில்லிபுத்தூர் ஆண்டாள் சேஷ வாகனத்திலும், ரெங்கமன்னார் கோவர்த்தனகிரியிலும் புறப்பாடு.
* மேல்நோக்கு நாள்.
1-ந் தேதி (திங்கள்) * மாத சிவராத்திரி.
* ஸ்ரீவில்லிபுத்தூர் ஆண்டாள் சன்னிதியில் ஐந்து பெரிய திருவடி சேவை.
* சேலம் செவ்வாய்ப்பேட்டை மாரியம்மன் கோவில் உற்சவம் ஆரம்பம், அன்ன வாகனத்தில் அம்பாள் திருவீதி உலா.
* ராமேஸ்வரம் பர்வதவர்த்தினி அம்மன் காலை தங்கப் பல்லக்கிலும், இரவு தங்க விருட்சத்திலும் பவனி.
* திருவாடானை சிநேக வள்ளியம்மன் வெள்ளி விருட்ச வாகனத்தில் புறப்பாடு.
* பத்ராச்சலம் ராமபிரான் புறப்பாடு கண்டருளல்.
* சமநோக்கு நாள்.
