2016-ம் ஆண்டு ஆகஸ்டு மாதம் வரும் முக்கிய விரத நாட்கள்

ஆகஸ்டு - 2 (செவ்வாய்) ஆடி அமாவாசை:- இது அமாவாசைகளில் சிறந்தது. புண்ணிய நதிகளில் தீர்த்தமாடி பித்ரு தர்ப்பணம் செய்தால் குடும்ப பாரம்பரியத்துக்கு நல்லது.

ஆகஸ்டு - 2 (செவ்வாய்) ஆடிப்பெருக்கு:- இதை பதினெட்டாம் பெருக்கு என்றும் சொல்வார்கள். அன்று நதிக்கு சென்று அதை பெண்ணாக நினைத்து பூஜைகள் செய்து மங்கல பொருட்களை விடுவார்கள். இந்த விரதத்தால் பெண்கள் விருப்பம் நிறைவேறும்.

ஆகஸ்டு - 5 (வெள்ளி) ஆடிப்பூரம்.

ஆகஸ்டு - 12 (வெள்ளி) வரலட்சுமி விரதம்:- இது ஆடி மாதம் கிருஷ்ணபட்சம் சதுர்த்தசி கூடிய வெள்ளிக்கிழமைகளில் வருவது பெண்கள் உபவாசமிருந்து நோன்பு நோற்றால், நீண்ட ஆயுள், புகழ், செல்வம், உடல் நலம் உள்ளிட்ட சகல பாக்கியங்களையும் பெறலாம்.

ஆகஸ்டு - 16 (செவ்வாய்) சங்கரன்கோவில் ஆடித்தபசு:- இன்று விரதம் இருந்து தபசு காட்சி கண்டால் சிவா விஷ்ணு அருள் கிடைக்கும்.

ஆகஸ்டு - 18 (வியாழன்) ஆவணி அவிட்டம்:- பூநூல் அணிந்திருப்பவர்கள் இன்று புத்தாடை அணிந்து புதிய பூநூல் அணிந்து காயத்ரி ஜபம் செய்தல் வேண்டும்.

ஆகஸ்டு - 25 (வியாழன்) கிருஷ்ண ஜெயந்தி:- கண்ணன் பிறந்த நாள். இன்று கண்ணனின் படத்தை வைத்து, அதன் பின்னால் புன்னை இலைக் கொத்து வைக்க வேண்டும். கண்ணனுக்கு விருப்பமான பால், தயிர், வெண்ணை ஆகியவைகளையும் முறுக்கு, சீடை ஆகிய தின்பண்டங்களையும் செய்து வைத்து வழிபாடு செய்தல் வேண்டும்.